أبو عبودي
02-01-2022 - 12:02 pm
السلام عليكم ورحمة الله وبركاته
اخواني انا تعبت ادور على خطوط تطلع لشرم الشيخ في تاريخ 1/12/2006 :36_1_47:
ياليت لو تدلوني على خطوط تطلع بس مو ترانزيت وسعره يكون رخيص!
وبعدين كيف اطلع من شرم الشيخ الى القاهره على اي خطوط او ان كانت القاهره قريبه هل استطيع الذهاب لها بالسياره وكيف استطيع الحصول على سياره بسواق تكون فخمه و مريحه
يعطيكم العافيه
انت الله يهديك تسأل عن الرحلات وحنا ما ندري وينك فيه..
عموما..
بعتبر انك من الرياض... اتفقنا؟؟؟؟
ما فيه رحلات مباشرة لشرم.. الا بتاريخ 31/12 طبعا هالمعلومة اخذتها من (مصر للطيران) اللي بشارع الاربعين بالملز
وهي رحلة واحدة(الرياض- شرم- القاهرة-الرياض)وطبعا بتكون بكيج كامل..بفنادقها بكل شي
برضه رحت لوكالة الطيار..قالوا مرنا بعد عشر ايام وان شاء الله راح يكون فيه رحلات على الخطوط السعودية مباشرة لشرم...بس اعتقد انها بعيد باجازة عيد الاضحى كمان
اما اذا ملزم على التاريخ اللي قلت..فا ما لك الا ترانزيت..واتصل على مصر للطيران..ينسقون لك عن طريق احد الدول..يا البحرين او الاردن او لبنان او الامارات او عن طريق القاهرة
بالنسبة لطريق شرم الشيخ.. انا مشيته كذا مرة...طوله 500 كيلو.. بس عن نفسي ما حسيت بملل فيه ابدا
لان اغلب الطريق بجانب البحر..وتمر كذا بلد مثل طور سيناء والسويس...كمان تجرب نفق الشهيد احمد حمدي اللي يمر من تحت قناة السويس...
وللمعلومية انا سلكت هالطريق مرة على سيارتي.. ومرتين على سيارة اخذتها من شركة بدجت اللي بفندق شيراتون شرم الشيخ(سيارة ستروين فرنسية 2006) حلوة جدا جدا والسواقين ثقة ومؤدبين
انصحك تاخذ سيارة من احد الشركات اللي بالفنادق
بصراحة راحة بال وعلى فكرة سعرها 1400 جنيه..وقالوا لنا لو تبون سيارة فان ب1500 تقريبا
اتمنى اكون افدتك ولك تحياتي