خلاص حجزنا ..
بس عنندي سؤال : تستحق بيرن العاصمة 3 ليالي / 4 ايام !!
لان من رست لجنيف تقريبا 3:30 فنحب ناخذ مدينة تكون بينهم وبالخريطه اقرب شي بيرن !
ممكن يااخوان مشورتكم !
وجزآكم الله خير

معليش كثرت الأسئلة قريت تقارير كثيرة وكل تقرير فيه الزحليقة الصيفية وش احسن وحده واقربها لانترلاكن ! او ضواحي جنيف !

بالنسبه للفندق اللي تقول عليه اعطيني الرابط وانتوا كم شخص لان احيان يكتبون تكفي من 4-6 لكن السعر الموجود لاربعه اشخاص ويصير الشخصين البقيه تدفع عليهم زياده موجود بالصفحه تحت ومرات يكتبون السعر من 4-6 اشخاص ويكون السعر لسته
بالنسبه لبيرن ماتستاهل ولايوم

^جزاك الله خير معليش طيب بسألك اذا بيرن ولا يوم من رست الى ضواحي جنيف تقريبا 4 ساعات ونبي مدينة بينهم لمدة 3 ايام ,, " مدينة فيها سواح وماتكون هاديه مره وميته "
ودي نحجز لان خلصنا بس باقي ضواحي جنيف والمدينة الي بالنص
وشكرا

ممكن تقترحون علي غير بيرن،
بحيرة تيتسي titisee من نفس ريست نزورها الطريق لها ساعة صح !ولا نخليها هي المدينة الي نسكن فيها 3 ايام !

ياليت تعطينا برنامجك بالتفصيل وهل معكم سياره ؟؟؟ لان المناطق اللي انتي مختارتها تحتاج ىسياره وبالنسبه لافضل منطقة تقع في المنتصف هي انترلاكن وعلشان تسهل عليكي الامور استخدمي موقع google map للخرائط ومعرفة المناطق والمواقع والمسافات تحياتي

^شكرا لك ,ايه معانا سيارة , انا احتاج مدينة بين رست و جنيف مخططي : جنيف - انترلاكن- رست - جنيف لكن > لكن من رست الى جنيف نبغى نجلس 3 ايام في مدينة تكون بالمنتصف ..
ايه والله قوقل مره حلو انا استخدمه لكن المشكله اخاف احجز اي مدينة يكون مافيها سواح نبي مدينة يكون فيها انشطه ماتكون هاديه مره
زيورخ وش رايك تستاهل 3 ايام

اذا الحجز ممكن يتغير ممكن ترجعون من باريس او فرانكفورت اما اذا ماكان يتغير فانصحك بالبرنامج التالي جنيف ثم انترلاكن ثم منطقة كونستانس جدا رائعه وموقعها استراتيجي حيث انها قريبة من زيورخ وشلال الراين اقل من ساعه كما انها قريبة من قرية هايدي (اذا حبيتوا تزورونها ) كما انها قريبة من برينجز النمساوية الجميلة وكونستانس ملاصقة لمنطقة الغابات السوداء وتبعد عن روست ساعتين فقط يعني يمكنكم الذهاب لليورب بارك والرجوع اليها مباشرة مشكلتها انها تبعد عن جنيف تقريبا 4 ساعات

^الطيران + رست > خلصنا الحجز وانترلاكن تقريبا باقي نحول المبلغ .
طيب اقدر اخلي كونستانس الالمانية بعد رست 3 ايام بعدها الى جنيف !
من رست الى كونستانس = ساعتين .حلو
بس من كونستانس الى جنيف = 4 ساعات !
احسه متعب شوي ولا خاصه الي بيسوق مايحب كثرة التنقل وطلب نجلس في رست 6 ايام لكن حسيتها ممله ! طيب الحين 4 ساعات الطرق ممكن تكون زحمه ممكن توصل الى 6 ساعات !