حيآآك أخووي
في البدايه لو تزيد المده يصير افضل
يعني خلها 12 أو 14 يووم
شهر 5 مناسب ان شاء الله
المخطط مناسب اذا زدت عدد الأيام
عشان مايروح يومك كله في التنقل بين هالمدن
يعني اذا افترضنا أنه بيكون 12 يوم
بيصير بهذا الشكل :
ميونخ 1 يوم
زيلامسي 4 أيام
انترلاكن 4 ايام
ميلانو 1 يوم
جنيف يومين
اجار السياره عن طريق سيكست أو يورب كار أو هيرتز
الفنادق ماعندي فيها خبره كافيه
يجي غيري ويفيدك فيها ان شاء الله
والطيراان الخطوط الأماراتيه مناسبه جدا
وعندك القطريه كذالك
لاتنسانا من دعائك

اوكي 12 يوم
بس شلوون علي الفنادق
والاماكن السياحية
والمدن زينه ولا تقترحون مدن ثانيه
الأعضاء الكرام
لاتخلونا

اخوي مللوك ماقصرت طال عمرك واشكر مشاركتك
واتمني منك مزيد من المساعده

ابوسلطان 965
حيآآك اخووي
المدن زينه ورائعه ومناسبه لعدد ايام السفر لاتغيرها
بخصوص الفنادق مالك الا انك تبحث في بوكنق وتشوف التقيمم
لأن والله ماعندي الخبرة الكافيه في الفنادق
الأماكن السياحيه أنصحك تقرأ تقارير الأعضاء وراح تستفيد منها
وايضا شف هالمواضيع راح تفيدك ان شاء الله
https://artravelers.com/p/re/124526

الله يعطيكم الصحه والعافيه
ابي رايكم ومساعدتكم
ميونيخ ليلتين السكن فندق واتاجير سياره اخر يوم ( لوتساعدوني باسم فندق والأماكن الي ممكن أزورها في ميونخ)
زيلامسي 4 ليالي فندق ( محتاج ترشحولي فندق والأماكن الي اروح لها)
انترلاكن 3 ليالي ( محتاج ترشحولي فندق والأماكن الي اروح لها)
ميلانو ليلتين
جنيف ليله واحده
وبسلم السياره في مطار جنيف واسافر
يجماعه محتاج مساعدتكم بالفنادق المجربه والاماكن السياحيه
وتضبيط الجدول
وكلكم بركه ماتقصرون

الأعضاء الكرام
محتاج مساعدتكم بالفنادق المجربه والاماكن السياحيه
وتضبيط الجدول
وكلكم بركه ماتقصرون

1. الاماكن السياحيه في زيلامسي :-


2. تنقلنا في زيلامسي كان عن طريق الباصات

وعليكم السلام ورحمة الله
الفنادق تقدر تسوي بحث في بوكنج وتختار حسب المواصفات اللي تبيها من حيث السعر وموقع الفندق واراء الاعضاء
وكل ماكان الفندق بالستي سنتر صار اغلى ,,
وبالنسبه للتنقل ماعندي علم باجار السيارات كان تنقلنا بالمترو وسفرنا بين دول اوروبا بالقطار ,,
بالنسبه للاماكن السياحية في ميونخ :-
وصولك بيكون على ميونخ : ابكتب لك الاماكن السياحيه اللي زرتها وانت اختار اللي تفضله لان بيكون عند يومين بس في ميونخ واختار اللي يناسبك تروح له ,,

• قصر نايفنبرغ Schloss Nymphenburg

قصر فخم و أثري بني على الطراز الإيطالي عام 1664 م بمناسبة ولادة الأمير ماكسيمليان الثاني

• BMW welt عالم البي ام دبليو..Olympiapark وملحقاتها : معرض سيارات بي ام وفيها حديقه والملعب الاولمبي والمسبح وبرج على ارتفاع 300 متر تقريبا

فيه مطعم ومطل للتصوير .. وفيه اكواريم .. كل شي بتذاكر للدخول وفي الحديقه بحيره صناعه فيها قوارب .

• الحديقه الانجليزيه Englisher Garten : حديقة كبيره جدا وفيها بحيره للبط وللتزه بالقوارب وجداول ماء وانهار يوم الاحد يوم عطلتهم فتكون فيها مناظر مخله
• ملعب Allianz Arena بايرن ميونخ : يفتح من يوم الاثنين الى الجمعه وسعر تذكرة الدخول 10 يورو تقريبا من التاسعه والنصف صباحا حتى الخامسه والنصف مساء
• شارع ماكسيميليانMaximilian من أفضل شوارع مدينة ميونخ ويشتهر بمحلات الماركات
• بفاريا فيلم ستوديو Bavarian Film Studio على نمط يونفرسال ستوديو بس مصغره و بها مواقع الأفلام الألمانيه و بها عروض يوميه و جوله داخل الأستوديو .. من 9 صباحا و حتى 4 مساء,,مواقع التصوير للغواصات وغيرها ومدينة تصوير متكاملة وينتقل بكم قطار من مكان الى اخر,, هذا المكان انا مارحت له ولا اعرف موقعه لو بغيته تقدر تبحث في الانترنت

الاماكن السياحيه في زيلامسي :-

تنقلنا في زيلامسي كان عن طريق الباصات

• شلالات كريمل اذا وصلتوا الشلالات فيه ناس تروح ترقى فوق احنا مارقينا يقولون متعبه جدا عاد انتو ولياقتكم
• الزحليقه الصيفية في منطقة سلفلدين saalfelden وأسمها sommer rodeln الزحليقه لاتفوتكم ممتعه ترقى فوق بالتلفريك فيه حديقه فوق ومطعم مكان كبير تتمشون فيه وبعدين تنزلون بالزحليقه واذا بترقون مره ثانيه لازم تذكره ثانيه.
• جبال كابرون ( محطة تلفريك kitzsteinhorn تغلق القمه الساعه الرابعه تقريبا ، لذا يفضل الذهاب صباحاً : جبال الكابرون ثلج وفيه مطعم فوق ومنظر جميل ومراجيح
• طبعا زيلامسي تقدرون تركبون القوارب الكهربائيه تتمشون في البحيره ماعرف سعرها وطول ماتمشي بشوارع زيلامسي محلات وكفيهات واماكن حلوه

ويمكن تلقى عند الفندق منشورات عن زيلامسي والاماكن حسب فندقكم زيلامسي كلها عرب وخليجيين راح تحس نفسك بدوله خليجيه عبايات اغلب الناس عالراس حتى وعوائل كثير ولوحات المطاعم بالعربي وكثير اشياء بالعربي.
سويسرا : بالنسبه لنا مارحنا اي مكان لا في انترلاكن ولا جنيف بس تمشيه في المدينه اما ميلانو مازرتها
سافرنا من انترلاكن الى قريه هايدي المسافه بين انترلاكن و قريه هايدي (منفيلد maienfeld) بحدود 190 كم تقريبا ساعتين ..

معلومات مهمه ومفيده
وندعيلك بالخير والصحه