Nwary
30-06-2022 - 05:31 am
السلام عليكم ورحمة الله وبركاته
كيف الحال جميعا ؟؟
اخواني حبيت تساعدوني بحكم خبرتكم بالسفر الى اوروبا
انا واهلي كنا ناويين نسافر لمصر بس الله ما كتبها لنا وقررنا نحجز لاوروبا وبالاخص ايطاليا لمدة اسبوع والاسبوع الثاني باسبانيا مع ان البعض منا يبي فرنسا بدلا منها
يعني ايطاليا اسبوع واحد ويومين بفرنسا و4 ايام باسبانيا
وترتيبنا للسفر هو ان احنا نحجز السكن من البوكينغ عشان اذا رحنا هناك نعرف اللي لنا واللي علينا وما نحاتي صرف السكن وحجز التذاكر تقريبا بياخذ منا 20,000 ريال
والمبلغ اللي راح ناخذه معنا لمصرف اليد والتمشيه والمطاعم حوالي 35,000
لان احنا عايله من 6 اشخاص
ولكن الاهل مترددين من فرنسا لان سمعنا انها غاليه مره حتى من دون ما ناخذ لنا تاكسي او نتسوق
احنا بغينا نروح ديزني لاند يومين فقط
يعني احتمال كبير نكنسل فرنسا وناخذ اسبوع بايطاليا واسبوع باسبانيا
ايش رايكم بكلامي وحابه اعرف اذا تخططينا صح وهل التكلفه تكفي او لا
ساعدوني بليز عشان على طول احجز التذاكر والفيز
وبالنسبه لتنقلكم من اسبانيا الى ايطاليا
حيكون كيف ؟
بالطيران الاقتصادي الاووربي مثلا
والديزني لاند زحمه ويادوب تلعبين كم لعبه ماانصحك تروحين
وايطاليا ماذكرتي اي مدينه
واسبانيا اي مدينه
ترى لاتنصدمون الجو بالنهار هناك حر وشمس
وبالليل حلو ولطيف
فيما يخص اسبانيا انا اعرف بماربيا كويس
وايطاليا اعرف ان الكثير بيروح ميلان
وانا حاروح بتاريخ 15 -7
وتاريخ 4 -8
لاستقبال الاهل وتنظيم جدولهم
ميلان جنبها لوقانو وكومو ومدينة العاب جميله
فيه تقرير حلو للاخت الزعيمه ممكن تستفيدين فيه
واي استفسار انا حاضر