وبعدين يشباب وش سالفة الجبل هذا في كل المواضيع كلن يقول رحنا للجبل وهو احسن شي ...!!!

و عليكم السلام و رحمة الله و بركاته
المهم ان الحجز على جاكرتا ولقينا فندق حلو 10 ايام غرفتين ب 3000 الاف ريال سعودي يبعد عن المطار 20 دقيقه تقريباً ,,,

^ طيب يعطيك الف عافيه
هل احجز في جاكرتا يومين فندق وفي بالي يومين وفي الجبل يومين ؟؟؟ بس بيكون غالي علينا كذا!!!
نبي مدينه وحده من هذولي بس نروح لها دايركت اول ماننزل من جاكرتا ؟ هل اروح بالي او الجبل الاخضر ؟؟؟ والجبل الاخضر هذا وشو بالضبط؟؟؟ وبالي وشي؟؟؟ وكيف اني اروح لهم كلهم كم يبعدون عن جاكرتا ؟؟ وهل اروح لهم بطياره او سياره وكيف ؟؟ او اول مانزل من المطار مثلا اقول لتاكسي ودنا لبالي او الجبل الاخصر يصلح؟؟ وبكم سعر التاكسي الي بيودينا لهم يابالي ياالجبل الاخضر دايركت من مطار جاكرتا ؟؟؟
ووش تنصحوني فيه بالي او جكرتا او الجبل الاخضر,,, مع انا شباب ونبي جميع متطلبات ساعة الصدر وشكراً

يا اخوي باين انك ماعندك اي خلفية شوف يالغالي انا بنصحك تدخل على التقارير حتى تعرف الخطوط العريضة للبلد وافضل مافيه وبعد كذا راح تتوه في بعض التفاصيل وساعتها اسال والاخوان هنا ما بيقصرون معاك ..

أخي الفاضل ...
أولا :- أشكر المشرفة الفاضلة أم عزيز7 ع تجاوبها الرائع والمميز كعادتها بارك الله فيها ..
وثانيا :- تخطيطك غير جيد وغير مناسب ومدة 10 أيام بالعاصمة جاكرتا كثيرة جدا جدا
والافضل والانسب لكم بهذه المدة كما تفضلت مشرفتنا أم عزيز7 وهي العاصمة جاكرتا
والجبل بنشاك وجزيرة بالي وخط السير وتوزيع الايام راح يكون كالتالي :-
جاكرتا لمدة يومين > جزيرة بالي لمدة 4 أيام > بنشاك الجبل لمدة 3 أيام > جاكرتا لمدة يوم واحد !!
وبالنسبه للتنقل والمسافات فهي كالتالي :-
من جاكرتا لجزيرة بالي بالطائرة والمسافة ساعة وخمسون دقيقة ..
من جزيرة بالي للعاصمة جاكرتا بالطائرة والمسافة ساعة وخمسون دقيقة ..
من جاكرتا للجبل بنشاك مسافة ساعة ونصف بالسيارة ..
من بنشاك الجبل لجاكرتا مسافة ساعة ونصف بالسيارة ..
ونصيحتي لك لابد من تصفح تقارير الاعضاء والعضوات وبأذن الله راح تجد الفائدة الكبيرة ,,,

تصفحت وكل شي عجبني خاصه بالي ولجبل بنشاك هو الجبل الاخضر وجاكرتا طاحت من عيني خ
لكن المشكله كيف اسافر لبالي هنا السؤال!!!! شكلي ابقضيها في الجبل بانشاك8 ايام ويومين في جاكرتا لان على كلامكم الجبل بانشاك ... قريب من جاكرتا ........اولأ ..؟
لكن السؤال كيف جبل بانشاك فيه اماكن حلوه سياحيه وطبيعه وشلالات واشياء شبابيه لليل وفله

شكلك تبي الرخص بالسكن
خلك بالجبل وبتعيش احلى عيشه واماكن التمشيه كثيره بس اقرأ التقارير
السفر لبالي مثل ماقالولك الاخوان عن طريق الطائره وهي الوسيله الوحيده
والحجز عن طريق مكاتب بالجبل اذا بتروح للجبل والا بجاكرتا والا بنفس مطار جاكرتا
من عندي الجبل وزنيه مزبوطه لكم
رخيص وكويس وفيه كل شي
وبالليل اقضب ارضك خ
لأن مافيه شي بالليل سوى السمر بالفله والنوم

من وجهة نظري ان المده قصيره وكثر التنقلات راح تضيع عليكم الوقت لذلك خلوها يوم جاكرتا 7 ايام الجبل يومين جاكرتا
بالتوفيق