مستحيل !!
الطيران الدولي + الداخلي + الفنادق ب 10 آلاف ما يصير !!
الدولي لوحدة بتكع لك أقل شيء 6000 ريال
الطيران الداخلي = 1500 ريال
الفنادق 10 ليالي لو أخذت فنادق أقتصادية أقل شيء ب 400 ريال الليلة يعني 4000 ريال
بقي مصروف 10 أيام للمطاعم والتكاسي والترفيه أقل القليل 200 ريال باليوم مع ربط الحزام
0* 10 = 2000 ريال
المجموع = 6000 + 1500 + 4000 + 2000 = 13500 ريال

هلا بالغالي ( شبيه الجوري )
المبلغ بأذن الله يكفي لمدة ( 10 أيام ) بس على هذا النحو :
1) التاكر الدولية ... هناك عروض على الخطوط السعودية بحدود ( 3000 لشخصين )
2) الفنادق ... أرشح لك هذه الفنادق :
يومين سلانجور ... فندق أمباير ( سعر الليلة 300 × 2 ) = 600 ريال
أربعة أيام لنكاوي ... فندق موتيارا ( سعر الليلة 300 ×4 أيام ) = 1200 ريال
أربعة أيام كوالالمبور ... أرشح لك فندق دورسيت ريجنسي ( سعر الليلة 280 × 4 أيام ) 1120
المصروف اليومي بحدود ( 250 ريال × 10 أيام ) = 2500 ريال
المجموع ( 3000 + 600 + 1200+ 1120 + 2500 ) = 8420 ريال
بأذن الله تكفيك ... وأنصحك تأخذ معك ( 2000 أحتياط )
وافي بزمن جافي

الله يعطيكم العافيه يارب
الفلوس موجوده ولله الحمد ... لكن الشئ اذا زاد عن حده انقلب ضده
يعني انا حاط في بالي 10 الاف للسفريه وان نقص علي شئ بقدر اكمله بحول الله .. ولكن اذا دفعت في سفريه لمدة 10 ايام مبلغ فوق ال10 الاف احس انها ماتستاهل بصراحه ..
اتمنى ان تكون وصلت الفكره ..

هلا اخوي شبيه الجوري https://artravelers.com .. وتحيه للكرام إللي سبقوني في المشاركة الحلوين
من وجهة نظري : عشان تكون في وضع افضل طلع التذاكر الدولية والداخلية من الميزانية
وبإذن الله تكفي ياعسل
اتمنى لك رحله موفقه

المغادرون 2007
يعطيك العافيه يالغالي ... احساسي انك بالغت اشوي في الحسبه مثلا ً :
الطيران الدولي لو حجزت من بدري ماتوقع التذكره توصل 2500 وفيه حل ثاني مثلا لو سافرت عن طريق الاتحاد الامارتيه يمكن ارخص ...
بالنسبه للطيران الداخلي كثير جداً 1500 على رحلة من كوالالمبور الى لنكاوي مع العوده ولا لا يالغالي .
الفنادق اتفق معك رغم انه يوجد فنادق 3 نجوم وتكون رخيصه نوعا ما .
لاهنت يالغالي

اشكرك ياوافي بزمن جافي على حسبتك وراح تكون في البال بحول الله .. ولا يهون اخوي ابو شاهين لانه خربها ههه .. اقوله 10 الاف بس يقول طلع التذاكر الدوليه والداخليه برا ..
يعطيك العافيه ياعسل

شبيه الجوري
سعر التذكرة الدولية يعتمد علاى موعد سفرك وأنت لم تحدد لذا أنا أخذت المعدل
لأن الأسعار ما بين 1500 إلى 3700 ريال
بالنسبة للتذاكر الداخلية معك حق لأني توني انتبهت أنك ما أنت رايح بينانج
فإذا كان كوالا - لنكاوي فقط فالتكلفة في حدود 500 إلى 600 ريال شخصين وطفل
الفنادق مثل ما ذكر لك الأخ وافي
لكن مادام ماعندك مشكلة في الفلوس سافر وبعدين تتدبر
تمنياتي لك بالتوفيق إن شاء الله

شبيه الجوري
ههه والله ياخوي ما خربتها لكن ابيك تكون مرتاح في سفرتك مو يدك على قلبك
تعرف انا ندمان على عرض كان موجود في اسواقهم لاني كنت على الحديده في اخر سفري
وكل الدراهم صرفتها وما بقى إلا دراهم باقي المستحقات علي .
لذلك كنت متحسر ...
يارب ما تتحسر

الله يعطيكم العافيه يارب
شاكر تواجدكم احبتي ... والله يكتب اللي فيه الخير يارب