السلام عليكم ورحمة الله وبركاته
كيف حالكم ؟؟
يا شباب انا عندي رحلة شبابية مكونة من 4 شباب نبي نطلع نغير جو
فقررنا نطلع لبلاد العمه زي ما يحبون يسمونها عشاقها ^_^
الرحلة بتكون بعد عيد الفطر باذن الله
في تاريخ 13/8/2013
والعودة في 25/8/2013
كان ودنا نزود الفترة بس مرتبطين باشغال وما عندنا الا هالفترة
طبعا قصينا التذاكر على طيران الامارات والصراحه سعرها لسعه شوي 3870 ريال للشخص
طبعا الوصول بيكون باذن الله يوم 14/8/2013 الساعه 5:55 صباحا ( بداية يوم )
فقلت بما اننا شباب وما معنا اطفال او شيء نطلع من المطار الى الجبل مباشره وناخذ لنا فله ونريح شوي
ونطلع نستكشف المكان حولنا وكذا ونريح في الليل واليوم اللي بعده نبدا جولاتنا
هل ترون ان هالقرار بيكون كويس او نريح في جاكرتا ؟
انا خذت هالقرار لان الفترة قصيره فابغى نستغلها
كم تشوفون من يوم يكفي الجبل ووش نصائحكم للاماكن اللي نزورها ؟
وقلت انه الاربعاء بيكون اول يوم فعلي بنوصل فيه وبنريح ويضيع اليوم
وبعده من الخميس الى السبت نزور الاماكن وناخذ جولات ويوم الاحد نطلع من الجبل الى مطار جاكرتا ونتوجه لبالي
فتشوفون انه بيكون كويس كذا النظام ؟ واذا كويس المسافة من الجبل الى المطار كم الوقت عشان الواحد يعرف متى يطلع من الجبل ؟
قلت ناخذ اربع ليالي في بالي وش اقتراحاتك باماكن تنزار في بالي ؟؟ طبعا حاط في بالي ( تفكيري ) المدينة المائية شيء كثير مدحوها ..
وبعدها نرجع لجاكرتا بيكون يوم الخميس
ورحلة العودة للوطن بتكون يوم 25/8/2013 اللي هو الاحد الاقلاع الساعه 5:55 عصرا
فوش الاماكن اللي في جاكرتا ممكن نزورها وتستاهل بالاضافة ودنا بشوية تسوق هدايا وكذا
مثلا نبي مره سوق فخم وماركات وحركات
ومره اسواق تنفع للهدايا وفيها ماركات التقليد
واذا فيه بيدخل بينهن ملاهي والعاب مائيه يكون افضل شيء ^_^
( طبعا انا حاجز حاليا سكن في بالي وفي جاكرتا لكن الغاء مجاني ودفع عند الوصول على نفس تخطيطي من باب الاحتياط اخاف بعدين ما القى حجز ,, احب ارتب سفراتي وكذا من بدري )
فاذا عندكم اقتراحات سكن في بالي وفي جاكرتا تكون حلوه واسعارها معقوله وفي مناطق حيويه عطونا اقتراحاتكم
وهل تشوفون مبلغ 6000 ريال كافي للسكن في هالمده ؟؟ او نحتاج نزيده ؟؟
طبعا احنا ما يهمنا فندق 5 نجوم وكذا اهم شيء عندنا النظافه ومكان مميز وقريب من اشياء يقدر الواحد يطلع يتمشى حوالين الفندق
فاقتراحاتكم لترتيب السفره واماكن تنفع للزياره واقتراحات للسكن او مناطق للسكن وانا ابحث فيها
بانتظاركم