اخوي
كم عددكم وكم عدد الايام اللى ممكن تسافر فيها
ولو كمان حطيت كم ميزانيتك ممكن تسهل كثير على اللى بيرد عليك

السلام عليكم ورحمة الله وبركاته::
والله بصراحة لو تبغى المميز في كل دولة ..صعب جدا للايام المحدودة هذه.
ومرهق لتباعد المسافات.
لكن يعتمد على اهتماماتك والانشطة اللي ودك تزورها.
مثلا ودك بباريس ..والا راح تكتفي بالريف الفرنسي المجاور لجنيف (أنسي وشامونيه وايفيان)؟؟
ألمانيا ..تتكلم على ميونخ وفرانكفورت وبرلين ودوسلدورف ..والا الغابات السوداء اللي في الجنوب وبحيرة الكونستانس؟
عاد سويسرا ..منطقة انترلكن ..جنة الله في ارضه ولا تتفوت من الزيارة .هذا مخطط مقترح مبدئي ..لكن لا يضم كل شيء.
الوصول الى جنيف والسكن في لوزان يومين
انترلكن خمسة ايام
بحيرة كونستانس الالمانية وشلالات الراين السويسرية يومين
بادن بادن الالمانية ثلاثة ايام. (منها يوم كامل لمدينة الالعاب اليوروب بارك ويوم لمدينة الاوتلت ميتزينقن)
جنيف والريف الفرنسي يومين. (أنسي وشامونيه وايفيان)انا انصحك بقراءة الدليل السياحي السويسري
لتحديد الانشطة المجاورة لسويسرا ..واللي في سويسرا
https://artravelers.com/p/re/51030 السيارة للتنقلات ..بصراحة انا اشوفها امتع واروع وافضل في سويسرا.
لكن يعتمد مثلا ..لو حبيت تنزل باريس ومنها الى جنيف ..راح تكون بالقطار..وبعدها تستلم السيارة.
او العكس...تخلي باريس اخر الايام.
واذا نزلت في باريس وزرت الديزني لاند ...هل راح تمر على اليوروب بارك ولا لأ؟ يعتمد اذا كان ودك تكرر نشاط ملاهي الالعاب ولا لأ.
هل في اطفال صغار في الرحلة ..؟؟ لأن القمم الثلجية راح تكون صعبة عليهم.خرائط قوقل راح تساعدك كثير وتعطيك صورة واضحة للمخطط العام للرحلة عن طريق ادخال المدن ومشاهدة المسافات بينهم.
واخذ فكرة عن مواقعها.انت حدد اهتماماتك ..وان شاء الله المخطط والانشطة هينة.
وبالتوفيق.