أولا تروح بالسلامة ولكن غريبة إنك مسافر بعد يومين وما عملت أي ترتيبات
بالنسبة كسائح هناك منطقتان للسكن داخل سان فرانسيسكو وهما اليونيون سكوير أو الفيشر مان وارف
الأول الفنادق النظيفة راح تكون حول ال 200 دولار
المنطقة الثانية هي على البحر وممكن تلقى فنادق حول ال 100 دولار أو 150 للفندق النظيف
وإذا سكنت على أطراف المدينة راح تكون الاسعار حول ال 100
بالنسبة للسيارة كاش يمكن صعبة بس ممكن تاخذ معك شيكات سياحية
أنصحك تروح فيجاس بالطيارة لأن التذاكر الداخلية رخيصة ولا توجد في أمريكا شبكة متكاملة للقطارت
ومطار فيجاس مطار دولي كبير
بس إنتبه ولا تلعب في فيجاس

شكرا Old Boy
بالنسبة للمنطقتين ايهم تنصحني اسكن من حيث الموقع
وبالنسبة للشيكات السياحية راح يقبلوها محلات التأجير
وأخيرا أكيد الفنادق يقبلون كاش

عزيزي
اغلب محلات التأجير ما يقبلوا الا بالبطاقة الائتمانية !!
واذا كان على السيارة سانفرانسيسكوا ما تحتاج سيارة لا هي ولا لاس فيقاس
التنقل بينهم بالطائرة وخذ الساوث ويست ممتازة واسعارهم رخيصة !!
المطار دولي ولاكن رحلاته لاوروبا ومنها الالخليج ,,
بالتوفيق

نورت الموضوع يامشرفنا الغالي
بالنسبة لسان فرانسيسكو وش تنصحني باي فندق (من حيث الموقع و السعر)
دمتم بود

مرحبا ..
فندق راديسون في فيشرز مان وارف .. روعة .. لكن أغلب الفنادق لازم تدفع لهم على الباركنج .. انا مرة سكنت في فندق راديسون لكن شوي خارج المدينة قريب على المطار .. كان الباركنج عندهم مجاناً ..
الحلو في راديسون أسعاره ممتازة .. و ما عندهم ميني بار في الغرفة و هذا أحلى شي .. و بداله عندك مايكروويف و ثلاجة فاضية و مكينة قهوة .. يعني تقدر تشتري لك عصاير و كرواسون من محل محطة البترول و بكذا أمنت فطورك اليومي .. و وفرت تكاليف مطعم الفندق ..
سان فرانسيسكو من أحلى مدن كاليفورنيا و فيها العديد من المعالم و النشاطات .. ما أعرف ليش تريد تروح لاس فيغاس أحس مالها داعي .. ما فيها شي غير المنظر اللافتات الضوئية في الليل و المحلات و باقي الأمور ما تناسبنا كمسلمين .. يعني ما تستاهل الواحد يتعنى عشانها .. و الرحلة طويلة ..
و بالتوفيق ..

نورت الصفحة ميمي
بالنسبة للرحلة أجلتها اسبوع علشان ارتب اموري
لكن اعتقد ان الراديسون موقعه مش كويس( أتوقع لو أخذ فندق في اليونيون سكوير أفضل)
بالنسبة ماهي الأماكن اللي تستحق الزيارة في سان فرانسيسكو
وبالنسبة للفنادق أكيد راح يقبلو كاش
دمتم بود

صباح الخير اخوي
انصحك تطلع فيزا مسبقة الدفع (( من البنك الاهلي ))
وشروطها سهله جداً وخليها لتأجير السياره واشحنها بمبلغ بسيط
تحياتي:sasb49

السياحة في سان فرانسيسكو ..
أولاً عندك Union square .. اذا بتسكن فيه أحلى شي لأن كل شي قريب منك .. المطاعم و الكافيهات و المحلات ..
Fisherman's Wharf .. منطقة رائعة على البحر .. محلات و مطاعم و عروض .. و تقدر تشوف مجموعة من حيوانات الفقمة أيضاً مستلقية على ألواح خشبية في الميناء ..

لا تنسى تجرب شوربة ال Chowder يغرفونها في أواني عبارة عن رغيف خبز مفرّغ .. تلاقيها في أكشاك في هذي المنطقة ..
Coit Tower هو برج عالي تم تشييده من فترة قديمة جداً .. و يتميز باطلالة رائعة للمدينة ..
Golden Gate Bridge جسر البوابة الذهبية .. (لونه أحمر) أشهر معالم سان فرانسيسكو و في تحته قلعة عسكرية قديمة حلوة للزيارة .. الجسر أغلب الأحيان يتعرض لموجات من الضباب شكلها عجيب كأنها سحابة تطفو على البحر ...
في مكان تقدر تستأجر فيه دراجة هوائية و تتمشى في المنطقة حول الجسر .. في هناك منطقة حلوة و شاطئ..
لما تعبر الجسر بتكتشف جوهرة ثمينة منطقة رائعة إسمها Sausalisto يشبهونها بالرفييرا الفرنسية .. فعلاً شيء خيالي كأنك في أوروبا .. >> و مليانة سياح أوروبيين
China Town القرية الصينية .. محلات بالهبل و بضايع حلوة و متنوعة تصلح للهدايا .. و المطاعم الصينية أكيد
Japanese Town أنشأها المهاجرون اليابانيين اللي استقروا في سان فرانسيسكو من زمان .. فيها محلات يابانية و مراكز تجارية تحتوي محلات و مطاعم يابانية .. >> لازم تجرب الكوفي اللي عندهم و الكيك روعة
جزيرة Alcatraz السجن المشهور اللي مسوين عنه فيلم هوليوودي .. لازم تحجز تذكرة عشان الجولة البحرية اللي تتضمن جولة داخل السجن ..
حديقة Yosemite الوطنية .. محمية طبيعية كبيرة جداً .. فيها مناظر رهيبة غابات و شلالات .. للأسف فاتتني في رحلتي ..
هذي الأشياء اللي تذكرتها الحين .. الأفضل لك أول ما توصل تشتري خريطة سياحية و بتلاقي فيها كل العنواين و المعالم السياحية .. و في أيضاً مكاتب سياحية في منطقة الميناء يبيعون فيها تذاكر لعدة أنشطة ..
و بالتوفيق ..

شكرا من القلب ميمي
أخوي sasb يقلون البطاقة اللي عند البنك الأهلي تتطلع عيونك علشان توصلك
وانا يمكن الويكند الجاي مسافر ان شاء الله
دمتم بود