اللي اعرفه ثيستل ماربل ارج قديم . الغرف قديمه و مستهلكه و الستاندرز بعد اردى مع ان في ناس تحبه
ماريوت ماربل ارش .. صوب اجور رود .. بس مستواه مو سيء
هيلتون كينسيقتون دقايق مشي لي مجمع الويستفيلد .. مستواه جيد كفندق بس صوب الويستفيلد وشبربوش مو صوب اوكسفورد و ربعه

شكرا للرد اختي كويتيه طيب مين احسن ماريوت او هيلتون؟؟؟
وكيف الغرف في الهيلتون ؟؟

شوفي هني الصور لهيلتون هذي صور الغرف و الفندق الحقيقيه لزوار فعليين حاطينها بنفسهم فوق ال 160 صوره
http://www.tripadvisor.com/Hotel_Review-g186338-d195185-Reviews-Hilton_London_Kensington-London_England.html
و هذي للماريوت ماربل ارش
http://www.tripadvisor.com/Hotel_Review-g186338-d193086-Reviews-London_Marriott_Hotel_Marble_Arch-London_England.html
بس اعتقد اسعارهم مقاربه للكمبرلاند .. ليش ما تاخذين كمبرلاند؟

قالوا لي كمبرلاند غرفه مو نظيفة و كل شي فيه قديم

ترى مرة احترت ..المشكلة ان المجموعة الي معي تبغى اوكسفورد .. وانا ماعندي مانع في اي مكان ثاني بس هم مصرين في اوكسفورد او حوله بس مايكون مرة بعيد ..
انا عادةً ما اسكن في اوكسفورد عشان كذا انا الحين محتاره بهالفنادق !!
ياريت تساعديني اخت كويتيه او اي احد من الاعضاء وشكرا لكم

مرحبا اخوي
وعن اذن خبيرتنا .
اقرب شي واحسن موقع ثيستل وهو ابد على شارع اكسفورد خلف نكست والفندق كا مستوى جيد وانا انصح فيه
الماريوت ماربل ارش خلف مطعم بو علي على بينه وبين شارع اجور رود اقل من خمسين متر . ومطعم بو علي عند تقاطع البنك الكويتي في نص اجور رود العرب .
اما فندق شافتسبري ماسكنته بس موقعه جيد ولكن مو مثل لي ذكرتهم .
اما فندق الهلتون مانصحك بشده ابعيد وماحولك شي الا بمسافه بعد الوست فيلد
طبعا الفنادق لي نصحتك فيها في افضل منها بنفس المنطقه
وبنسبه لي اسكن في ثستل ولا اسكن في كمبرلند .
وموفق ان شاء الله ..

DMQ
شوفي موضوعي
في جزء عن فندق الكمبرلاند بالصور . الفندق مجدد من قبل تقريبا 5 سنين او حولها يعني مو قديم بس اقري الي انا كاتبته بالتفصيل
انا عندي افضل بكثير من ثيستل .. ثيستل غرفه و اثاثه مستهلك .. و خاصه اذا الغرفه ستاندردز اقري تقرير الاخط قطريه كول و صدمتها بالفندق
اذا تبين فيه غرفه معقوله بتاخذين غرف الكلب و بيطلع عليج غالي
شوفي صوره احد غرفه و حكمو انتو

طبعا كل واحد له ذوقه و حريته بالاختيار . من ناحيه موقعه فهو بيرفكت .. بس مقارنه بكمبرلاند .. كمبرلاند بامانه افضل علي الرغم من الموقف اللي صار لنا فيه .. حتى راديسون ساس اللي بالبروتمان افضل ..
انتي كم ميزانيتج للسكن و من تاريخ جم لي جم؟

الرحلة ان شاء الله بتكون في شهر جانوري من 10 الى 19 مبدئياً هذا وقتنا بيكون
وبالنسبة للميزانية عادي لو كانت 1000 ريال وشوي لان نبغى غرف Twin bed والسعر بيكون مقسوم على شخصين
شكرا اخت كويتية
البرستيج كله ..شكرا لك ماتقصر

بوقتكم كمبرلاند ب700 ريال الليله من اقودا
و عندج مونتكالم لا يعلي عليه بيرفكت ! ب1500 ريال اذا يناسبكم السعر
راديسون بلو بورتمنان هم اقل من 1000 الليله
قروفنر هاوس ب 1300 ريال الليله !
و فندق المفضل ماريوت قروفنر سكوير 1350 ريال الليله
Radisson Edwardian Berkshire Hotel London ب 900 ريال تقريبا
هيلتون بارك لين ب 1000 ريال
بارك لين هوتيل (شيراتون) باقل من 1000 ريال
عندج كل هالخيارات و الاسعار و تروحين تشوفين فنادق بعاد و مو مجربه ليش !!