د.يزيد السلام عليكم. ان شاء الله لن تكون هناك مشاكل بالنسبه للغة فالشعب الاسترالي طيب وصبور وكذلك وجود العرب بكثرة وفي منطقة جولد كوست يوجد مكتب عربي للسياحة الداخلية والحجوزات والصرف والشحن وكل شئ ولا مانع من اخذ ترجمان من اي مكتبه . وأي استفسار ان شاء الله الشباب بالمنتدي ماراح يقصرون. بالتوفيق

الله يوفقك
صحيح اللغه مربط فرس للجميع
تصدق انا اعرف واحد لف الدنيا وهو ماعنده غير يس ونو
بس هالشخص جريء ولايهمه احد
الي اعرفه ان في كل دول العالم فيه سواقين وبعضهم يعرفون عربي استاجر لك واحد يضبطك
اتمنى ان تاخ1 واحد مجرب يعني واحد اجودي ويعرف وضعك تمام
ياليت الشباب يساعدونك

وعليكم السلام د.يزيد
شوف اذا كانت لغتك تمشي الحال حتى لو كانت بسيطة جدا انصحك تتوكل على الله ومايحتاج مترجم لان الشعب الاسترالي مثل ماقالو الاخوان صبور ومتعاون لابعد حد وراح تلقا عرب كثير هناك خصوصا اللبنانيين ...اما اذا مكان عندك لغة ابد ابد او ماودك الاحراجات قدام المدام خصوصا بشهر العسل :redface: فانصحك ترتب مترجم وحاول ترتبه من عندك ممكن يفيدك مكتب كانو للسفريات وفيه عندي رقم سواق لبناني في سيدني اذا تبية راسلني عالخاص او الايميل وابشر بسعدك ومبروك مقدما

أخوي style11 الله يجزاك خير
انا موب ما اعرف أبد اطقطق لغة يعني لكن وين مكتب كانو للسفريات وأبي رقم السواق اللبناني تكفى

مرحبا اخوي د.يزيد
دامك تعرف على الاقل الاساسيات في الانجليزي فإن شاء الله ما عليك خلاف
و ترى كلامهم حلو و سهل و ينفهم بسرعه و يساعدون الي يتلخبط و ما يعرف و غير كذا العرب كثيرين هناك ما شاء الله.. و في هناك مكتب عربي سياحي اسمه لاوند كل الي يشتغلون فيه عرب و اسعارهم حلوه و كلهم حبيبين ويقترحون عليك احسن الاقتراحات.. مكتب لاوند الي في جولد كوست تلقاه عند فندق الهوليدي ان و الظاهر ان في مكتب لاوند في سدني عند الاكواريوم
و حاول تتطلع على كرت الدخول حق استراليا الي يوزعونه في الطياره و شوف الترجمه عشان ما تتوهق اذا جيت تعبي الورق خصوصا انهم دقيقين
تحياتي لك اخوي

اخوي يزيد
المكتب العربي اللي في قولد كوست اسمه لاوند
ويقع اسفل فندق هوليدي ان في منطقة سيرفر بارادايس
و هذا موقعهم الالكتوني
http://www.lawandtourism.com/
و هذا تيلفونهم
8ادخل موقعهم او اتصل عليهم او ارسل لهم ايميل و ان شاء الله يفيدونك