عليكم السلام
السؤال ماهو واضح من وين تبي تعرف الطريق من الدمام ؟
يعني تبي تعرف كيف تروح من الدمام إلي ابها؟
انت اللحين في بوابة الشرقيه فياليت توضح سؤالك بشكل افضل
المهم لو تبي تعرف الطريق من الدمام إلي أبها
طبعا تمسك طريق الرياض السريع وقبل تدخل الرياض تمسك خط الخرج
وانت طالع من الرياض بإتجاه الخرج تمسك طريق الحوطه وادي الدواسر
فيه لفه يمين قبل الخرج بكثير ماتروح الخرج بعد ماتطلع من الرياض تتابع اللوحه
اللي تقول الحوطه السليل وادي الدواسر تراها ماهي بذاك الكبر المهم لما تصل
مدخل الحوطه برضه تمسك خط السليل ثم وادي الدواسر وبعد وادي الدواسر فيه لوحه
ممكن يكون فيها نجران وخميس مشيط لا تروح علي اللي مكتوب فيها نجران خلك ماسك
الطريق سيده لايمين ولايسار من تطلع من وادي الدواسر إلي خميس مشيط وإذا وصلت
خميس مشيط خلاص مافيه مسافه بينه ووبين ابها بتشوف اللوحات
انا وصفت لك ماعرف انت تبي من الدمام او لا سؤالك ماهو بواضح ولكن إن شاء الله إنك تقصد حسب مافهمت

تسلم يا الغالي ... أيه أمبي وصف طريق الدمام أبها ، والدمام المدينة المنورة .
أيها أقرب الدمام المدينة أو الدمام أبها وكم المسافة بين المدينة وأبها .
أنا معزم أن شاء الله أزور أبها ومدينة الرسول (ص)
أيهما أبتدي أول أبها أو المدينة , والرجوع أن شاء الله الدمام

يعني تنبي تروح للمدينه ثم أبها او العكس الطريق يختلف
عموما المسافه من الدمام للمدينه من 1400 الي 1500 كيلو
ونفس الشي من الدمام الي أبها من 1400 الي 1500 كيلو تقريبا
ومن المدينه للمنوره لأبها تقريبا من 1100 كيلو إلي 1300 كيلو تقريبا
بس الطرق تختلف إذا بتروح لأبها اول شي نفس الشرح اللي بالرد السابق
اما لو تنبى تروح للمدينه المنوره فطبعا تروح للرياض وتمسك خط القصيم المدينه المنوره
واضح من اللوحات ماينبى ليها خط الرياض ثم القصيم المدينه
ومن المدينه لأبها ممكن تسأل هناك ولكنه مع اللوحات واضح وفيه طريقين عن طريق الساحل و الليث
وهو اسهل وطريق عن طريق الطائف مناظر اجمل ووممكن تمر الطائف وهو ازود شوي عن طريق الساحل بكم كيلو

تسلم يا أخوي زازا على الرد بس أيها أفضل الدمام أبها المدينة أو الدمام المدينة أبها ومن ثم الدمام؟

أنتظر الأخوان بموافتي بالخط
البرنامج الدمام الرياض أبها والجلوس فيها من 5 الى 6 أيام ومن ثم زيارة النبي (ص) بالمدينة .
أي خط أمسك من أبها للمدينة المنورة