وعليكم السلام ورحمة الله وبركاته
معك 13 يوم فعلي وهذي مده حلوه ويمديك ان شاء الله تزور به المناطق الاربع لانكم شباب, بس تبي تصير تنقلاتكم كثيره
طيب اول شي ترتيب الايام ,, اقترح عليك
1 يوم جاكرتا الموافق 17 اغسطس تريحون بما انكم تاصلون بالليل
4 ايام بالي من 18 اغسطس الى 22 اغسطس
2 يوم باندونق من 22 اغسطس الى 25 اغسطس
4 ايام بونشاك (الجبل) من 25 اغسطس الى 30
1 يوم جاكرتا للراحه والتهجز للسفر
طبعا تحجز من الحين الطيران الداخلي من جاكرتا لبالي ومن بالي لباندونق وانتبه لاجيت تحجز لوزن العفش ,,, وبعدين من باندونق للجبل بسياره ومن الجبل لجاكرتا بسياره
هذا جدول مبدئي بما انك تبي باندونق بالجدول وبتصير تنقلاتكم كثيره فا انت شف وضعك ورد لنا
الفنادق نصيحه احجز من الحين من موقع بوكينق او اقودا واذا تبي نرشح لك فنادق قلّنا وابشر بسعدك
نصيحه احجز من الحين لاتطول واتفق مع سواق ببالي و وبالجبل
واذا عندك اي استفسارات او اسئله لاتتردد حنا كلنا هنا نفيد ونستفيد
بالتوفيق

برزان
بارك الله فيك أخي الكريم على ردك و سرعة تجاوبك و على المعلومات
طيب نلغي باندونق و يصير البرنامج كالتالي
1 يوم جاكرتا
4 أيام بالي
5 أيام بونشاك
2 يوم جاكرتا
ويصير احجز الطيران من جاكرتا إلى بالي ذهاب و عودة
و ياليت ترشح لي الفنادق و تكون بسعر معقول و تعطيني روابطها في موقع بوكينق
وبالنسبة للسواقين كم التكلفة لليوم الواحد؟
الله يسعدك .. 3>

هلا اخي الكريم
وتقبل الله صيامكم وقيامكم
بالنسبة لرحلتك فهي 13 يوم غير يومي الوصول والمغادرة
واقترح الجدول الاتي
المبيت ليلة في جاكرتافي فندق fm 7
القريب جدا من المطار
وسيكون الجدول كالاتي
4 ايام الجبل
من الاثنين 18-8 الى الجمعة 26-8
بالي4 ايام
الجمعة 22-8 الى الثلاثاء 26-8
3ايام باندونق
الثلاثاء 26-8 الى الجمعة 29-8
يومين جاكرتا
الجمعة 29-8 الى الاحد 31-8
واذا احببت نحذف باندونق من الجدول
يصبح الجول كالاتي
مبيت ليلة في فندق fm7
4 ايام الجبل
من الاثنين 18-8 الى الجمعة 26-8
بالي5 ايام
الجمعة 22-8 الى الاربعاء 27-8
4 ايام جاكرتا
الاربعاء 27-8 الى الاحد 31-8
وقد حرصت في الجدولين
ان يكون خروجك من الجبل لايصادف يومي السبت والاحد
حتى لاتقع في زحمة الطريق
الافضل حجز الفنادق عن طريق النت
كل ما حجزت بدري تجد سعر افضل
وتختار الغرف براحتك
قد تتأخر ولا تجد غرفة مناسبة لك

عذرا استاذي برزان
لم انتبه لردك
حيث كنت اعد الرد على الاستفسار
والله لايحرمك الاجر
كفيت ووفيت يتوزيعك ونصائحك

نديم الصبر
بارك الله فيك
البرنامج الثاني ممتاز
لكن الأحسن 5 أيام في الجبل و 4 أيام في بالي
منتظر اقتراحات الفنادق من الأخ برزان و راح احجزها بإذن الله
شاكر لك جهدك ووقتك أخي الكريم
و اسأل الله أن يتقبل منا ومنكم صالح الأعمال

وفيك اخي الكريم
طيب
جدولك يصير
1 جاكرتا الفندق ارشح لك فندق FM7 اللي تفضل فيه مشرفنا الكريم نديم الصبر لقربه من المطار
https://www.booking.com/hotel/id/fm7-resort-jakarta.ar.html?aid=1300939
4 ايام بالي والله ماعندي اي خلفيه عنها بس الاخوان مايقصرون ان شاء الله
اذا حجزت لبالي ذهاب وعوده خل العوده بدري ويفضل لو يكون بالصبح علشان يمديك تروح للجبل لانه يوم جمعه وعلشان تفادى الزحمه بيوم السبت والاحد
5 ايام الجبل اذا تبي فله تروح هناك وتشوف اللي يجوزلك وتحجز من عندهم او فندق سيروني 3 وهو افضل فندق بالجبل وهذي طريقة حجزه https://artravelers.com/p/re/759519
جاكرتا 2 يوم ارشح لكم فندق استون مارينا قريب من انشول ومقبول او فيه فندق ثاني 5 نجوم جديد ورخيص بس مشكلة بمنطقه بعيده عن وسط جاكرتا
https://www.booking.com/hotel/id/grand-mercure-jakarta-harmoni.html?aid=1300939
عموما جاكرتا ماراح توهق به ان شاء الله
وهذا رابط عام للسكن وشف اللي يجوز لك واسال عنه هنا
خيارات السكن من فنادق وشقق ومنتجعات في إندونيسيا من خلال تجارب الأعضاء https://artravelers.com/p/re/432214
والاخوان ان شاء الله يفيدونك
السواق يوميته من 500 الف روبيه الى 600 الف روبيه بالجبل وببالي اقل شوي تلقى ب450 الى 550 الف روبيه
600الف روبيه تعادل 200 ريال تقريبا
السواق ماتحتاجه بجاكرتا يكفي التاكسي
وهذا رابط فيه ارقام السواقين
أرقام السائقين فى إندونيسيا ( محدث ) https://artravelers.com/p/re/389407
ويسعدك يارب بالتوفيق

أصيل
انا معك في ان 5 ايام الجبل
يكون افضل بكثير
لكن حط في بالك ان طريق الجبل سيكون مزحوم جدا جدا يوم السبت و الاحد
وقد تستقرق 5-7 ساعات للوصول الى جاكرتا
وهذا يتطلب منكم اما الذهب مبكرا جدا جدا الى المطار
يعني بالعربي من صباح الله خير وانت في مطار جاكرتا
اذا تقدروا على كذا واصحابك من الناس اللي تصحى بدري
توكل على الله واجعل الجبل 5 ايام وبالي4 ايام

نديم الصبر
افا عليك يامشرفنا الغالي قليلا مما عندك و منك نتعلم
وخذ راحتك يابعدي
وانا افضل انه تعدد الجداول والخيارات علشان هو يختار اللي يفضله

اذا تبي نصيحتي اخوي اصيل اختار اللي قالك عليه نديم الصبر هو اعرف وابخص وخبير ماشاء الله باندونيسيا
وانا كل اللي اسويه اني انقل من ردود الخبراء والمشرفين واجاوب
وبالتوفيق