Dream Person23
15-11-2022 - 05:57 pm
السلام عليكم ورحمة الله وبركاته
قررت أنا وصديق لي بالعمل، السفر الى إندونيسيا شهر 10 باذن الله، وحددنا الميزانية 24 ألف شاملة تذاكر السفر، ولمدة 14 يوم، طبعا يومين سفر صارت 12 يوم، هل هي كافية أم لا، فرضا التذاكر لشخصين 4 الالف ريال هل عشرين ألف كافية أم لا لمدة 12 يوم؟
وأبي منكم تساعدوني بالأماكن لأني بصراحة ما أعرف أي شيء عن أندونيسيا
أبغى أسماء الفنادق + الأماكن اللي تستاهل الروحه لها وأسعار الفلل كم ؟؟
وبالنسبة لطريقة الحجز عن طريق موقع بوكنق لدي خلفية في طريقة الحجز
ومشكورين مقدما
اول شي حدد لك جدول تمشي عليه
مثل يومين جاكرتا اربع ايام بالي وخمس ايام بونشاك ويوم جاكرتا للاستعداد للعوده
او
يومين جاكرتا ثلاث ايام باندونق وستة ايام بونشاك ويوم لجاكرتا
اذا تبي تطلع بالي او لا تحدده في جدولك
نروح ل اماكن السكن في جاكرتا
عندك استون راسونا جميل بس موقعه بعيد شوي عن شارع صالح رادن الي فيه حركة بس سكن جميل جدا
وعندك استون مارينا بس يعيبه كثرة الاستخدام بس قريب من المواقع الحيويه مثل الانشوال
وعندك لي قراند جميل بس ماسكنت فيه من قبل على حسب كلام الناس عنه
وفيه اكثر من خيار جميل في موقع البوكنج
بونشاك حدد الي تبيه تبي فله مستقله او تبي مجمع سكني
بس يعيب المجمعات كثرت الازعاج
باندونق افضل شي ومجرب هو فندق سينسا
الاماكن الزياره
عندك في جاكرتا
مدينة الانشول وهي مدينه متكامله ولابد تكون من بدري فيها لنها تستاهل يوم كامل
اما حديقة موناس ماعتقد تستحق الزياره الا زياره خفيفه
وتقدر تطلع من شاطى الانشول للجزر القريبه من جاكرتا
وهي جميله جدا وانصحك فيها بقوه
في بونشاك
عندك
حديقة تمان سفاري جميله جدا
حديقة الزهور
مزارع الفراوله
وفيه بحيرة فينيسيا في مجمع كوتا بونقا
بحيرة الالوان وهي جنب البارشوت
وعندك البارشوت ومسجد التعاون
وعندك بحيرة الليدو
وبحيرة جهاري وفيها مطاعم عائمه انصح زيارة واحد فيهم
شلال شلمبر او الشلالات السبعه
وحديقة شيبوداس
ولي عوده للموضوع