هلا وغلا بالحبيب
أولاً ألف مبروك والله يتمملك على خير
بارك الله لكما وعليكما وجمع بينكما بخير
وثاني شي والله رحمتك
الرياض أهلها يضيعون فيها من كبرها
شرايك أعطيك رقمي وكل ما ضيعت تدق علي
وتقول للمدام أنا عندي أصدقاء في الرياض
بالنسبة للفنادق الشي الزين اللي يستاهل بصراحه غالي
يعني شكلها بتصير شقة مفروشة بتلاقي شي حلو
بس فندق مالك إلا من 800 ريال وفوق
المهم انت متى بالضبط زواجك وكم تبي تحجز ليله ؟
وكم بالحد الأقصى ميزانيتك لليله علشان نساعدك أكثر

الله يتمم لك على خير
اول شي انت تبي تقضي شهر العسل كلة بالرياض والا تبي بس حق اول ليلتين
اذا تبي فندق حق اول ليلة يلزمك تدفع لانها ليلة وحدة بالعمر
اما اذا تبي تقضي فترة اسبوع او اكثر انصحك خذ اول ليلتين بفندق فخم والباقي دور لك على شقة مفروشة تكون جديدة وسعرها مناسب
علما اني ما انصحك تجلس بالرياض الا ليلة الدخلة وبعدين شفلك اي مكان داخلي والا خارجي

أعجبني رد .. مهند .. وحتى أنا ممكن أعطيك رقمي
حتى تدق علي إذا مهند نايم حتى تحسس العروس بكثرة
أصدقائك في الرياض
عموما حبيبي أول شي إذا أنت راصد ميزانية و مصاريفك عادية أنصحك
تسكن في فندق وبعدين في شقق مفروشه فخمه.
مقترح: فندق الفيصلية أول ليلة أو ليلتين بعدين تسكن في شقق بودل أمامها مباشرة
بينها وبين الفيصلية شارع ومدخل و شقق فخمه.
ثاني شي أنصحك تحجز أول طيارة على الرياض.
وتجي قبل الزواج بشهر أو بأسبوعين تشيك على موقع الفندق تدخل الغرف
وتختار يمكن تقول " غرفه ؟" الجناح أحلى !! وتشوف مدخل الفندق و السوق
وين راح تدخل ووين راح توقف بالسيارة مهو تحجز بعدين توقف على بعد كيلو
وتنزلون عرسان رجليه !!
تحجز وجبة للعشاء من مطعم الفندق " غالب العرسان مايتعشون "
بعدين تشيك على الشقق وتشوف الشقة المناسبة لكم والمدخل
أنفض غبار العزوبية و أبدأ معنا حياة الكد و العمل.
يالله سافر طب الرياض

اذا ميزانيتك تسمح لك استانس وونس عروستك بفندق حلو فخم
واذا ماتسمح ماحدك الله خذلك شيء رخيص وحلو مو لازم يكون واو
لا اهم شيء نظيف واكثر ماكثر الله بالرياض الشقق اللي بغرفه
واغلبها جديد ونظيف واسعارها معقوله

إولآ ... شئ آلله يعطيكم آلف عآفيه بصرآحه حسيت بدعم منكم يشرح آلصدر (( لو إني عزوبي كآن سحبتو علي )) إمززح ... بآلعكس فيكم الخير والبركه .. واشكركم ع تفآعلكم معي كل إبوكم
الله يبارك فيكم ويرزقكم في كل خطوه تخطونها**... إقتباس > ( كل اهل الرياض يضيعون فيها ) .. آلله يبششرك بآلخير اما بالنسبه لقعدتي في الرياض يمكن اتبع طريقة الاخ شمالي الي هي خطه 4 / 4 /2 اما بآلنسبه للميزانيه تقريبآ ماحددتها لاني مادري وش الوضع الا لما انزل الرياض واشوف بعيني واشوف الطريق من القاعه للفندق ولا من الفندق لبيت المدام :36_3_1: ( بدون علمهم طبعا , نيهاهاها :36_1_22: ) مع إن فكرة الاخ .. ذو آلخبرة الخنفشآريه تبدو لي رائعه قدن قدن ( السائح العربي ) :36_1_37: ع العموم عشان ماطول عليكم انا سمعت بان الانتركونتل طيب وشرايكم فيه يمكن احدد لليوم 1000 ريآل فرضا وش هي الخيارات الي مطروحه بهذا المبلغ ..
يارب مانتحرمش منكم .. وترا كل إبوكم معزومين من الحين< يادلخ إعرف اول شئ وش اسم القاعه ومكانها فين :55654:
ملاحظه ( كتبت الرد ع عجله لكن سامحونا إذا اخطائنا وراي مشوار لمصنع المطابخ العالميه يبون الدفعه الاخيره من قيمة المطبخ ) < فضيحه
يالله اشوفكم ع خير

فيه فندق العليا هوليدي إن يعتبر جديد نوعاً ما وعنده جناح ممتاز جداً للعرسان وسيع وفيه دورتين مياه أعزك الله
غرفة نوم حلوة مع دورة مياه داخلية
وفيه صالة شرحة وكبيرة ومكتب وطاولة طعام وشامل الإفطار لشخصين يجيك الغرفة الصبح فطور عربي وأمريكي
سعر الجناح تقريباً 900 ريال ممكن تغير السعر
الفندق كمنطقة موقعه ممتاز بقلب العليا لكن كموقع بالتحديد مزعج لكثرة الزحام هناك في الشوارع المحيطه

انا مع مهند العليا هوليدي ان جناحهم ممتاز وحلو
واذا تبغى الفخامة الفيصلية
وفيه فندق جديد اسمه النوفتيل يمدحونه يقولون بيطلع حلو بس مدري فتح والا لا

انا اقول لو تلعب على الهجمة المرتدة .. اريح لك ..
خذ براي الاخ مهند فندق الهوليدي ان ..
ويمدحون الفيصلية ..
اهم شيء لاتنسى
الهجمة المرتدة

اهلين اخوي
الف مبروك الله يوفقكم ويرزكم من واسع فضله
انا من حكم تجربه كثير من اقاربي يقولون الفيصليه احسن فندق للعرسان
وهذي ليله مستحيل تنعاد وبتجربها لاتستخسر فيها شي عشها بكل حلوتها
والله يوفقك مره ثانيه