الشقق المفروشة كثيرة جدا بالرياض
بعدين العليا في شمال الرياض وهي منطقة غالية جدا مقارنة بباقس الأحياء الأخرى
واذا ودك تسكن بالعريجاء فهي أرخص بكثير أما احياء وسط المدينة فهي المعذر والمربع والديرة والبطحاء والأخيرة قد لا تناسبك لأنها مزدحمة جدا 00 أتمنى لك التوفيق

أنصحك تروح لشقق شمال الرياض أنظف وأرخص أقصد حي النزهة التعاون المصيف على الدائري الشمالي

والله ياخوي العريجا نهائيا مافيها لا امان ولا زين
وانا كنت في الرياض لمده سنتين ادرس بجامعة الملك سعود وكنت ساكن في حي المروج شمال الرياض على الطريق الدائري الشمالي, وكنت في شقق اسمها (قصر المروج) وهي مره حلوه وراقيه وسيراميك ومكونه الشقه من صالة ومطبخ وغرفة نوم وحمامين , وطبعأ الصاله كنبات والمطبخ مؤثث بالكامل
ولكن السعر غالي والله 1900 ريال بالشهر
تقبل خالص تحياتي/سلطان الشرقية

اخوي انا من سكان العريجاء
وانصحك بالسكن فيها ولاتشاور
رخيصة ونظيقة وبالنسبة للامن والامان
مايحتاج ترى حي الدخل تتطور مرة
لاحد يفكر انه مثل النسيم والنظيم والفواز
وانا بالخدمة واان خوك

وعليكم السلام ورحمة الله وبركاته
أولا أخوي faisal_888 أتمنى لك التوفيق في العمل في العاصمة الرياض
نقطة هامة بالنسبة للرياض فهي مدينة أحيائها كمدن وهي مدينة تحوي جميع أجناس سكان الجزيرة العربية كسعوديين وجميع الجنسيات العربية أما الجنسيات الغير عربية فهم قليلون ماعدا العمالة في الشركات مثل الهنود والبنغاليين والباكستانيين وخلافهم .
بالنسبة لشقق العزاب فالرخيص كلما إبتعدت عن مناطق الخدمات الراقيه أكثر .
والعكس .
أما بالسكن في أطراف الرياض مثل النسيم والدخل المحدود والدار البيضاء والعريجاء .. فستجد شقق رخيصه وهي مناسبة لك في حال كانت سيارتك مرسيدس أو بي إم دبليو أو سيتروين أو بيجو أو جاكوار
أما إذا كانت سيارتك كامري أو مكسيما أو هايلوكس او ونيت داتسون فأنصحك تسكن في العليا أو الملز حتى لا يأتي يوم وتسرق سيارتك من أمام الباب .
أكثر الشقق العزاب المريحة لكن غالية في الأسعار خصوصا للفرد تتوفر في شمال الرياض في حي المصيف والأحياء المقاربه له والعزاب هناك كثير
وأعتقد هناك على طريق الأمير عبدالله في الأحياء تتواجد شقق كثيرة حسب كلام أحد الشباب .
ولو كنت الآن في الرياض لخدمتك أكثر ..
وبالتوفيق .

مشكورين اخواني على ردودكم الكريمة ونصائحكم والله يعطيكم العافية
جزاكم الله خيرا واسكننا واياكم فسيح جناته

ياخوي لاتسكن الا عند مكان شغلك ... يعني قريب من العمل ويفضل لو تداوم على رجولك لو زاد السعر شوي ماهي مشكله اهم شي في الرياض القرب .......
اتمنى لك التوفيق

اخوي السائح العربي
ترى الدخل المحدود والعريجاء حي واحد
ههه