1) شنو لازم أعرف قبل الروحة ، غير أني آخذ ثياب شتوية و مناسبة للمطرمضلة للمطر ... جزمة مريحة لانكم بتموتون من المشي .... كثرو ملابس لان المطر بيحوسكم بتضطرون تغيرون كثير
2) أنا طالع من لندن زيارة لبرمنغهام ... شنهي أحسن مواصلات
طبعا القطار افضل شي ...
بس عندي اقتراح ليش ماتخلي روحتك لمانشستر لان فية ترافورد سنتر وبيعجب المدام اكيد
3) شنهي الأماكن اللي بلندن اللي ما تتفوت في هالوقت من السنة. خصوصاً للحرم المصون (زوجتي).
اهم شي هارودز خ
4) شنو برايكم أحسن تذكار أو هدية من لندن.
هارودز بتلاقي كل اللي تبية ....

Revelation : احسك متوهق .. مثلي
لكن الجماعه اهنيه مايقصرون ..
انا في هالفتره باكون باذن الله اهناك .. وراح افيدك لا اتحاتي

1. لكن فيه اماكن ضرورى تزورها خصوصا انك اول مرة تروح ,,,ومن اهمها :

هذا نسخ لرد لى بموضوع مشابه اتمنى يفيدك خذ منه اللى يعجبك :

لكن فيه اماكن ضرورى تزورها خصوصا انك اول مرة تروح ,,,ومن اهمها :

1
قصر بيجنهام :قصر الملكه بس اتوقع انه ما يصير فاتح وقت رحلتكم الضاهر انه يفتح شهر 8 و9 بس عموما اسال ولو فاتح لا يفوتك ,,,,احساس حلو انك تشوف الملكه وين وكيف عايشه وتشوف قصر وتدخله ,,وتتحسر على بييتكم خ
2
لندن اى :هذي رائعه وانت راكبها تشوف من خلالها لندن كلها وتصور وتستمع بالمنظر من فوق باختصار لا تفوتك
3
الهايد بارك:ضرورى تمرها خصوصا الاحد عشان تشوف اللى يخطبون بالساحه اللى يسب بالاسلام واللى يدعو للاسلام واللى يهاوش ما تدرى وش يبي حدها وناسه ,,,,غير ان الحديقه كبيرة وفيها بحيرة كبيرة تاخذ قارب وتاكلون البط ويستانسون بناتك وممكن تاخذ زمزمياتك وتبسط انت وعيالك خ
4
لندن زوو: حديقه حيوانات كبيرة ضرورى تودى البنات لها مرة حلوة
5
متحف مدام تيسو: متحف الشمع للمشاهير مرة حلو وبتصور فيه مع اى مشهور تحلم تاخذ لك صورة معاه وبتضحك ضحك على تفاعل الناس مع التماثيل وفييها مدينه للرعب وفييها لعبه التاكسي مرة حلوة
واخر شي عرض مسرحي يعنى كله على بعضه بياخذ منكم من 2 الى 3 بس يستاهل
6
شارع اكسفور د:حلو تتمشى فيه مع المدام وتخليها تسوى شوبينغ وتفضي جيوبك فيه محلات كثيرة وحلوة واحلاها طبعا سيلفرج محل كبير وفيه مجموعه مطاعم
7
اجوار رود :مو حلو كلش بس فيه مطاعم عربيه ومقاهى وبقالات اذا تحب
8
هارودز :احلى محل بالعالم واكيد تعرفه لمحمد الفايد....ولا يفوتك تتذوق كرسبي كريم دونات وتاخذ من الشوكلاته والقهوة منهم لانها شي وبنفس المنطقه فيه بعد مطاعم ومقاهى عربيه
9
بلو ووتر :مجمع تجارى كبير يستحق الزياره
0منطقه البكاديلي :بس روحلها بالنهار حلوة وفيها محلات
1الريجنت ستريت:شارع راقى وفيه محلات تجاريه
2الريجينت بارك: حديقه حلوة بس اصغر من الهايد بارك
3لا تنسى تاخذ تذاكر للbig bus
مدتها 24 ساعه وتقدر تنزل عند كل محطه وتستمتع فيها بعدين تركب باص ثانى وتلف فيك لندن كلها وتشوف كل معالمها المهمه مثل البييغ بن ,وقصر بييكنجهام ,لندن بريج ,,,,,,وكل معالم لندن
بصراحه هذا كل ما عندى للحين وانشالله بقيه الشباب ما يقصرون وانت خذ لفه بساحه لندن اكيد بتلقى مواضيع تفيدك ورحله سعيده انشالله

مشكورين يا إخوان. إضافات جميلة و معلومات مفيدة
إن شا الله تكون الرحلة موفقة

انصحك بهارودز للزيارة فط وشراء الشوكولاته لأنه مرة غالي بس الصراحه يستناهل الزيارة..
وانصحك بالأكسفورد ستريت لأن شارع تجاري وتراك اذا رحت هناك المدام بتدعيلي وانت حاتدعي علي ..!!
واذا كان عندك وقت اجعل متحف مدام توسو من اولوياتك ... نصيحة لا يفوتك ..
تروح وتجي بالسلامة ..

لازم تودي ام العيال هاردز واكسفورد ستريت (:

ماقصروا الاخوان بارك الله فيهم
ولكن اذا كنت من محبين المتاحف فمتحف البريطاني والمعرض الوطني دخوله مجاني
و لاتنسى المتحف العلوم ومتحف الطبيعي
ومتحف فكتوريا والبرت والذي اختير في استفتاء جرى في عام 2006 كأكثر المتاحف رومانسية في بريطانيا
والكثير من المتاحف والتي توجد في جميع مناطق لندن
وحديقة سانت جيمس الرائعة والتي تعتبر من أقدم الحدائق الملكية
وشارع بوند للتسوق ..
بورتوبلو رود portobello Road (نوتنغ هيل) هو شعبي جدا ، هناك أكشاك ممتلئة بكل أنواع الاثريات والتحف القديمة..
بصرااحة لندن فيها اماكن كثيرة ورائعة يكفي أنك في شوارعها
وكل عام وانت بخير

اذا كانت من محبي الماركات
انصحك ب سالون ستريت
قريب جدا من الهارودز و هارفي نيكلز
شارع راقي وواسع
والاهم فيه صراف عشان تسحب خ
واكيد احسن المواصلات هي القطار
وانصحك تاخذ الفيرست كلاس دامك انت و زوجتك لحالكم
و حاول تحجز بدري لانه ممكن تصادف رحلتك ويك اند و بيكون زحمه في الحجوزات
والملابس ابدا لا تتهاونون فيها
وخذو الي يلزمكم من الجاكيتات
بالنسبه للتذكار
راح تلاقي بالاكسفورد محلات و بسطات يبيعون تيشيرتات و اعلام وميداليات
كلها خاصة بلندن
اما الهدايا الفخمة فالمحلات كثيرة وتنقو الي يعجبكم كلش موجود
موفق و تروحون وترجعون بالسلامة

السلام عليكم الله يرضى عليكم ممكن تفيدونى عن موسم التنزيلات الشتويه فى لندن مت يبدأ وهل يختلف عن موسم تنزيلات الكريسماس وراس السنه؟؟؟