منال
24-06-2022 - 11:54 am
السلام عليكم ورحمة الله وبركاته
ابحكي لكم القصة من طقق لسلام عليكم
كنت مع زوجي الغالي نمشي بطريق الملك فهد بن عبدالعزيز رحمة الله عليه
المهم كان زوجي وللامانة يمشي تقريبا 110 فجاة دخل علينا من الخط راعي كامري
والمهمة بغينا نصدم زوجي قاعد يضرب بالبوري على صاحب الكامري المهم كانت فيه
سيارة شرطة امامنا فجاة الكامري يضرب لراعي الدورية وكلمه بعدها على طول وقفنا
فجاة نزل العسكري الله لا يوفقه دنيا ولا اخره ونزل وانواع الصراخ على زوجي وللامانة
زوجي فيه نوع من البرود خاصة خارج المملكة المهم العسكري مو راضي يفهم السالفة
وكان في حديثه مع صاحب الكامري ويقوله لا تخاف راح اضبطه وعطى زوجي مخالفة
مع انها ثاني زيارة لنا للكويت واعجبتنا بشكل كبير وانا هنا لا اعمم على الشعب الكويتي
الراقي والبشوش وتعرفنا على اكثر من عائلة كويتية قمة في الاخلاق والاحترام
ولكن هالعسكري كره زوجي صراحة بالكويت حتى اني طلبت منه السفر الى الكويت
بالصيف رفض وبشدة وقال مخالفة ما راح ادفعها لانها جات ظلم الله لا يوفقهم الاثنين
حاب احد يساعدني بمعرفة سعر المخالفة عشان اعرف كم مقدار المخالفة
وسوال ثاني هل السعر مخالفات غالي ام معقولة تحياتي للجميع
همسة
تحية حب وتقدير للشعب الكويتي ( العسكري ) لا يمثل سوى نفسه مع انه
يمثل قطاع عسكري كامل تحياتي الخالصة لكم .
بالنسبة للمخالفة شنو نوعها؟؟؟ شنو مكتوب على ورقة المخالفة علشان احددلج سعرها؟؟
و شاكرلج