>_<
وش دعوه ولا حد قدر يفيدني!!

1. EmY_3

EmY_3

هلا اختي ولاتزعلين ، ان شاء الله اني اقدر افيدك ولو كان معلومات عن صلاله قديمه شوي منذ ثلاثة سنوات
بالنسبة للشقق للأسف ما اقدر افيدك لاني مايحضرني اي اسم لاي شقق ولكن الي اعرفة ان الشقق اسعارها معقوله هناك وانا اجرت شقة غرفتين وصلاه بمنافعه وعلى الشارع العام وكل شي يمها ب 25 ريال عماني ،،، اما بالنسبة لغربها من مول او سينما .. فلي اعرفه عن صلاله انها مافيها مجمعات تجارية مثل الستي سنتر او غيره وانما الموجود عبارة عن سوق عادي فيه محلات متنثرة على اطراف الطريق ... اما السينما فمن واقع بحثي عن سينما في ذيك السنه لم اجد سوا سينما واحده قديمه جداً ولا تعرض الا افلام هندية .
بالنسبة لاسعار السيارات فما عندي علم عنها فأنا اذهب بسيارتي في اغلب رحلاتي ... ولكن قراءت في موضوع لاحد الاخوان هنا بان الاجار لصالون 20 ريال تقريباً وان شاء الله اني اقدر اجيبلك الرابط حق الموضوع قيما بعد .
تيعد صلاله عن العين 1400 كم تقريباً يعني 14 ساعه على سرعة 120كم/ساعه لان الخط مليان دوارات من تطلعون من ولاية صحار وحتى وصولكم مسقط .
جوا صلاله خلال شهر 7 و8 انجليزي يكون معتدل مع وجود قيوم ومطر على شكل رذاذ طوال اليوم ولا اعتقد انكم حتحجون ملابس ثقيله الا كان للأطفال لان في بعض المناطق ومع المطر وغرب الليل يبرد الجو شو .
صلاله كلها اماكن خضرا وعيون منتثره في كل مكان وفي مدخل صلاله راح يعطونكم خريطه للمواقع السياحية في صلاله وما عليكم الا ان ترتبو يومكم في زيارت الاماكن المتغاربه من بعضها حسب الخارطة ،،، وبذكرلك بعض الاماكن الي اراها جيده ولا زالت حاضره في الذاكره
المغسيل وهي عبارة عن بحر وعليه مظلات بامكانكم الجلوس والاستمتاع بالجو الجميل والشواء ايضاً كما اود التنويه الي وجود كهف في نفس المغسيل وفيه نوافير طبيعيه تخرج من الارض .
على طريق المغسيل وبعد ترك المغسيل على يسارك تواصلون الطريق هناك طريق يوديكم الى عدة قرى وهو طريق مرتفع نوعاً ما والزين فيه انه كله خضار وبعد ماتعدون مشوار غرابة الساعة حتجدون النفسكم في الاعلى والسحب اسفل منكم والجو ولا احلى .
ومن العيون عندك عين صحنوت وعين رازات وغيرها من العيون الي ماتحضرني الان .
الي اعرفه انه مافي مدينة العاب على مستوى البلد بشكل عام ولكن هناك كم لعبة ضاحكين فيها على البزران عند فندق اسمه حمدان اذا ماني ناسي واعتقد في وسط مهرجان خريف صلاله .
ان شاء الله اكون افدتك واذا حضر لدي اي معلومه جديده راح ازودك فيها
وتروحون وتجون بالسلامه ان شاء الله

بالنسبه لسياره اعتقد سعر التاجير بين 300 درهم و 500 درهم
والمنطقه تبعد من العين اذا تسرعين 120 من 10 ساعات الى 12 ساعه
وبالنسبه للجو فالجو رهيب
وبالنسبه للاماكن اول مادشين صلاله بيعطونج خريطه روحي كل الاماكن
واحلى شي دربات
وبالنسبه للملاهي فما بتحصلينها غير في المهرجان

rb2844
الله يوفقك و يعافيك
مشكور و ما قصرت أفدتني والله كثير

سالم بن محمد
بارك الله فيك
يعطيك العافيه

اقرب لك عن طريق العين مزيد باتجاه عبري المسافة1200 وعند وصولك مركز حفيت بيدلونك الطريق المختصر