عزيزي انا رحت رومانيا 2005
بالنسبه للايجار انا سويت طريقه مااعرف اذا تناسبك او لا مع انها رهيبه وتوفر الكثير
صديق هناك عرفني بصديقه بالعمل وكان يبي يأجرنا سيارته وهو عامل عليها تأمين شامل
معاي رخصه امريكيه صورها راعي السيار وعطاني سيارته بتقريبا 15 دولار اليوم
وكانت من نوع دايو - مالتيز بس خلصت شغلنا وسافرنا عليها
جرب تشوف الاعلانات المبوبه بالنت او بالمحلات الكبيره مثل كارفور بوخارست يمكن تلاقي من يأجرك
المحلات غاليه جدا اذكر حدود 30 دولار اليوم
تحياتي

اهلين اخوي رياضي ,,,
بالنسبه للتأجير استأجر من البلد لما توصل ,, لا تاخذ من المطار لانه غالي شوي ,
الطلبات مو كثير ,,,اول شيء رخصتك الدوليه وان يكون عمرك فوق 21 .طبعاً مبلغ الايجار على عدد الايام ,, ومبلغ تأمين حدود 200 يورو ,, عشان لو مثلاً راح تجلس اكثر من الوقت المحدد ,ولما تسلم السياره يرجعون لك المبلغ حق التامين ,, والسيارات مأمنه تأمين شامل والكيلومترات فري , يعني تروح فيها محل ماتروح ,, نصيحه استأجرها من بخارست وروح محل ما تروح وانت راجع سلمها وامش على المطار ,, وساعار السيارات على حسب طلبك , فيه الغالي وفيه الرخيص ,, ارخص شيء تقريباً 25 يورو وفيه محلات تلاقي بال 15 يورو ,, بس تختلف على حسب المده الي راح تاخذها .

Lunatic
هلا والله وغلا
طريقتك تخوف شوي
الف شكر

هلا وغلاا
عزوولي
من كلامك الدعوى ما فيها فيزا ولا اي بطاقة إئتمانية
طيب كيف الطرق تضيع والا بالخريطه كل شي يهون
وطريقة قيادتهم وبالنسبه لسعر البنزين والديزل هل كلهم نفس بعض
وابي الله لا يهينك تحددلي محل يكون سعره رخيص وسيارته جديده وفي اي منطقه هو لاني مدري وش اقول للتكسي لما اركب من المطار
ولو حصل انك تفتح باب الرسائل الخاصه الاني راعي طويله يا بعدي
وجزاك الله خير

يا شباب رومانيا وينكم

اهلين رياضي ...
بالنسبه للطرق تضيع شوي ,, يعني يبغالك تكون مفتح ,, وتتابع بالخريطه زين ,, طرق السفر من مدينه لمدينه مرقمه على الخرائط وعلى الشوارع ,,, قيادهم لا بئس ,, سعر البنزين والديزل نفس الشيء تقريباً بس الديزل صرفه اقل ,, يعني اذا استأجرت استأجر ديزل اذا كانت مشاويرك كثير ,
المحلات في بخارست ,, بس متى ما قررت وش نوع السياره ومتى جاي بالظبط ,, بأكلمهم لك تلفون يحجزونها لك , والرسائل الخاصه مفتوحه عندي على ما اظن ,, بس بأشيك عليها .

هلا والله وغلاا بالطش والرش
أخوي عزوزولي
بالنسبة للوصول ان شاء الله في 15 جولاي الصبح الساعه 6 في بوخارست والسيارة بأخذها لمدة خمسة أيام
وبالنسبة لنوع السيارة اللي تشوفه كويس ورخيص وتوماتيك من الموديلات الجديده بس لا تكون من هالصغار مره مثل الدايو اللي مالها شنطه ترى معنا شناط وعددنا اربعه
وكم تتوقع أسعاراها وهل يفرق كثير عن المطار
وكم سعر التكسي من المطار الى بخارست وكم الوقت
وهل مكتب التأجير يأجر لي نفيقيشن ( قارمن او ماجلان ) وكم سعره مع السياره
أدري أن أسإلتي كثيره وأوجعت راسك لكن تحملني وبالنسبة للرسائل الخاصه ادخل على الاعدادات واطلب السماح بإستقبال رسائل خاصة من الاعضاء والمشرفين وحط عليها صح
ولا عدمتك يالغالي وان كان تبي اجيب لك خيشة رز ابو كاس وشاهي ابو جبل جبت معي تخبر خرمة الشاهي والكبسه
وجزاك الله كل خير

أخوي عزوزولي
تحملني يا بعدي
محطة القطار اللي تودي لكستناتا كم تبعد عن المطار وكم سعر التذكر ذهاب وعوده لكستناتا لان أحد الزملاء قال ان كستناتا جنب ممايا وتاخذها مشي في عشر دقايق وكذالك نبتون
ياليت تتأكدلي يا بعدي واسف على الازعاج

اخ رياضي ,,,
فيه Chevrolet Aveo هذي سعرها تقريباً 29 يورو اليوم ,, 5 ايام راح تكون عليك 205 يورو ,, بالنسبه لماجلان ما ادري اذا يأجرون ,, بس ما اتوقع ,, والاسعار بالنسبه من المطار ومن برى ما ادري ,, بس ما فيه فرق كبير يمكن ,
التكسي ماله سعر ثابت ,, يمشي على العداد , كل تكسي له سعره ,, بس يمكن يكون 50 رون تقريباً ,
بالنسبه للقطار ,,, يختلف على نوع القطار ,,, بس الزين يمكن يكون عليك ب 70 رون روحه ورجعه ,,, ما عمري رحت بقطار عشان كذا ما اعرف الاسعار بالضبط ,, وبالنسبه لكونستانتسا ومامايا ,, هي تقريباً مدينه وحده ,, بس مامايا هي منتجع كلها فنادق ومطاعم ومحلات ترفيه ,.
احسن لك خذ قطار اذا روحتك بس بتكون لكونستانتسا ومامايا ,, تأخذ سياره لمدينه وحده ,, ماله داعي .