THE_MOON
02-05-2022 - 02:57 am
السلام عليكم ورحمة الله وبركاته
اول شي اشكر جميع القائمين على المنتدى الرائع والله يعطيهم العافيه يارب
وانا والله من زمان ما دخلت المنتدى هنا .. على العموم ما ابي اطول عليكم
انا ان شاء الله طالع بعد تقريباً ثلاث اسابيع للبنان ويا ليت اذا تكرمتوا تفيديوني بالتالي :
1 - افضل فندق للاقامه لمده اسبوع وكم تقريباً راح يكون سعر الفندق .
2 - كم اخذ معي فلوس يعني تكفيني لمده اسبوع .. هل 300 دولار كافيه في اليوم الواحد كمصروف ؟؟
3 - المناطق اللي تنصحوني ازورها .
4 - كيف الوضع في مطار بيرون هل فيه تأخير وطفش مثل مطار دمشق .
5 - والاهم كيف الوضع هناك من ناحيه الامن .
على فكره الطلعه طلعه شباب يعني انا وواحد معي فقط
واللي عنده اي معلومات اخرى يا ليت يتكرم ويفيدني وان شاء الله ماراح تقصرون
والله يعطيك العافيه ومشكورين مقدماً
اهلا اخوي واتمنى لك سفره سعيده
بالنسبه للسكن ما أنصحك تسكن في فندق بسبب ارتفاع السعر
انصحك تسكن بشقة افضلك لأن الشقة راح تكون واسعه وسعرها رخيص
2/ الفلوس تكفيك بس حسب صرفك يعني الأكل 100دولار الشقة 50دولار نثريات 50دولار
والسواق 50دولار تكفيك
بالنسبه للسواق عندي رقم سواق تعاملت معاه انا والأهل اسمة ابوجمال روعه
اذا تبي رقمه علمني
3/ المناطق كثيره مثل بحمدون وجونية وعاليه وبرمانا وفاريا
وبيروت طبعا ً
طبعا ً السواق ابوجمال ماراح يقصر معك
حنا في الصيف نركب معاه وماندري وين نروح
وهو يظبط لنا برنامج على كيف كيفك
4/ تعامل الأمن رائع جدا لاتخاف
واي خدمه انا حاضر
وهذا رقم ابوجمال اذا كنت تبيه
2قله انك من طرف احمد وهو ماراح يقصر معك
واشرط عليه انه يستقبلك بالمطار ووالتوصيله من المطار للفندق مجانا
للفائده : اقرأ موضوعي ( رحلة الأحلام الى لبنان )
واي خدمه انا حاضر