هلا اخوي بالنسبه لي ما اعرف اقرب مكان للفندق بس بخبرتي على هالاماكن بعلمك الاماكن الي تستاهل زيارتها لاني زايرها
..

• دبي مول اكبر مول ويوجد به مطاعم متنوعه واكبر ملاهي واكبر صالة تزلج وتنوع المحلات التجارية ويستاهل تروح له اكثر من مره ,, * برج خليفة اطول برج بالعالم يستاهل الزياره ويوجد به فندق ارماني وفي فوق في اعلى البرج تقتدر ترقى وتشوف شوارع دبي .. طبعا في منظار لانه مره بعيد
• وفندق اتلانتس الصراحه فندق ولا احلى مره فخم وحلو يستاهل الزياره اكثر من مره فيه العاب مائيه ومحلات ومطاعم .. اصلا يكفيك اذا دخلته تزنل تحت عند الاسماك تصور عندها منظر جداً رائع وجميل الصراحه لازم تزوره اذا رحت دبي واذا مازرته ما كأنك رايح لها من جد يعني يستاهل الزياره واكثر من مره صحيح هو بعيد عن المولات بإعتباراها جزيرة النخلة لاكن زي ماقلت لك تستاهل الزياره
• برج العرب : برج فخم وحلو يستاهل الزياره لمره واحده تكفي وزراة فندق الجميرا بجانبه والفنادق المجاوره منه مثل القصر وميناء السلام يستاهلون الزياره منها تتمشى بالفندق وتاخذك لك كم صوره وتجلس بالكفي
• مدينة مدهش حلوه اذا كان معك اطفال ولاتنسى تزور الالعاب الي في دبي مول احلى منها
• السوق الصيني : بعيد وحلو لاكن مو زي ماقالو مره حلو عادي مو مره ولا يستاهل الزياره

السلام عليكم ورحمة الله وبركاته،،،،
وعليكم السلام
يوم السبت الوصول لدبي الساعة 8وثلث وحجزنا في فندق قراند امارات في شارع الشيخ زايد
وين نروح اقرب مجمع لفندق قراند امارات،
هذا موقعه وقربه من دبي مول

ومنو يسوي لي جدول رحلة لمدة6ايام
دبي مول-ابو الهيل-سيتي سنتر المردف-مرشد-اتلانتس-برج العرب-برج خليفة-مدهش- الصيني
سوق الجميرا
مول الامارات
ابن بطوطه
حمرعين
ستي سنتر ديره
برجمان
ميركاتو
الاسواق الشعبية
سوق الكرامه-فيه ماركات مقلده
سوق نايف
سوق عكاظ
سوق المنال

احلا رحلة انها تكون بدون ترتيب
يعني بس الاشياء الاساسية مثل السكن وتذاكر الطيران والسيارة بس
والباقي خليها رحلة استكشافية بتكون وايد حلوة
اذكر اول رحلة لي لدبي كانت جيه بدون ترتيب
بس رتبت الشنطة واقرب طيارة وجلست 6 ايام كانت من احلا سفرية بحيااتي كلها
يمكن ماتعجبكم بس مجرد مداخلة
بعضكم بيستغرب بس التجربة خير برهاان

من عذابك
لا اخوي بالعكس عادي ليش نستغرب
احنا كنا نروح اوروبا كذا
بس نحجز الى المانيا وحجزنا يكون فندق المانيا 45 يوم ونأكد الطيران مانروح انتظار ابدا
والتنقل في اوروبا على البركة
يعني مافي تخطيط مسبق للاماكن والا شي بس على ماسمع بابا من اصدقاء
وكل واحد وتوصياته هذي كشخه وهذا حلوة وهذي رخيصة كل واحد تفكيرة
وبالاخير نطلع زايرين اهم الاماكن السياحية بسبب المنشورات والفنادق ماتقصر

اخوي ان اشوف اهم الاماكن
الموالات ( دبي مول- الامارات مول- ماركاتو- وافي - ستي سنتر - فستفال سنتر - مردف سنتر)
بالنسبة لسوق مرشد انصح تروح ليل موت حر الصباح (يفتحون من9 صباح الى 1 الظهر - ومن 4 العصر الى 10 بالليل)
السوق الصيني انا ماحبة كثير بعيد ومايسوى( وجهت نظري )
ممكن تزور برج العرب غداء (تكجز في احد المطاعم )
برج خليفة اذا حجزت مسبق يكون ارخص
واذا معاك اطفال مدينه الالعاب في دبي مول (كيدزانيا)احسن الالعاب
اتلانتس حلو تروحة اذا بتسبح في المدينه المائية وحلو تروح الظهر يعني الغداء هناك وبعدها تدخل مدينه المائية
واحين دبي حر احسن شي الاماكن المغلقة والمكيفة

حياك اختي
مثل ما تفضلو الاخوان افرب شي مول دبي
برنامج ويين تروحون ووين تجون شوفي هذا الرابط بيساعدك الصفحه الاولي والصفحه 42
https://artravelers.com/p/re/279407
وكذلك اطلعي علي التقارير في هذا الرابط راح تنفعك
https://artravelers.com/p/re/279407
وشوفي هذارابط للمطاعم في دبي
https://artravelers.com/p/re/310945

تقارير الامارات في الرابط
تقارير الإمارات https://artravelers.com/s/101

اشكر كل من رد علي
وجزاكم الله الف خير

يمنع التسويق التجاري
قسم الإشراف