السلام عليكم
حبيت استفسر
ان شالله بروح باريس ومنها اود الذهاب لستراسبورغ بالقطار
- اود الذهاب من ديزني لاند الى ستراسبورغ ..يرجي تزويدي باسامي المحطات ..
1-ابي اعرف كم يوم كافي لستراسبورغ وشنو اهم الاشياء والانشطة فيها وبأي فندق تنصحوني ابيه بالسنتر ..
2-بادن بادن هل تستحق السكن فيها وشنو اللي يميزها وشلون اروح لها من ستراسبورغ؟
3-نود الذهاب اليى يوربا بارك والسكن فيها 4 ايام ..اي فندق تنصحوني وشلون اروحلها اقرب من بادن والا ستراسبورغ؟
للعلم استحالة تأجير سيارة ..فاعتمادنا عالقطار وتاكسي وميترو
هل يوجد باص من ستراسببورغ الى يوربا او تاكسي وبحدود كم يكلفون للعلم احنا شخصين وطفل
وجزاكم الله خير الجزاء
يوجد قطار دايركت من محطه دزني لاند اللي هي Marne la Vallee
إلى سترازبورغ بدون توقف المده ساعتين....حجزتها من موقع
http://www.raileurope-gcc.com/book-now/article/book-a-point-to-point-ticket
حط التاريخ و الوقت المطلوب و إكتب إسم المحطه اللي فوق و محطه الوصول ل strasborg
و شوف كم يطلعلك...
بس المشكله في التذاكر يرسلوها لك بالبريد العادي....النفرين طلعت علي ب 114 يورو....وللعلم سمعت إنه....كل ما قرب موعد السفر...يرتفع السعر...بالنسبه للمدينه يقولوا يكفيها يوم واحد و في ناس تعشق المدينه ما يشبع منها لو قعد سبع أيام....أنا في مخططي حجزت فيها في فندق السوفيتل و ناوي أقعد فيها يوم واحد فقط لأني بستأجر سياره من كيهل ( لتفادي دفع ضريبه تغير الدوله )
وبعدين على بادن بادن يومين...وهي أقرب لليوروبا بارك من سترازبورغ مع العلم إن الفرق بين بادن بادن و سترازبورغ 36 كيلو متر و من بادن بادن ليوربا بارك 45 دقيقه بالسياره...بس إيش فيها وما فيها....توقعاتي تقول إنها ريف أغلب الظن و إن شاء الله نستمتع فيها مع العلم إنها قريبه من رست...بس المختصيين نصحوني إذا رحت دزني تكفيك عن يوروبا بارك.....//
بالنسبه للسياره....أنصحك تستأجر....لأن الطلبات مو معقده..// رخصه دوليه من أقرب مكتب سياحي في خمس دقايق يعطيك هي....و حجز و مبلغ التأجير و بس....أما بالقطار والله ما أدري لأني مستأجر سياره...لأني بكمل لميونخ و قارمش و زيلامسي....فأحتاج السياره..
لك ودي....وأبشر بأي شي أعرفه.