وينكم يا اهل لكويت ارجو المساعدة

هلا و غلا ابشر يمديك تروح كل مكان بالكويت بس لا تنسي انك فتره عيد والاماكن زحمه زحمه
نورت الكويت بضيوفها

1. حديقه الحيوان

هلا بالحبيب بو فطوم
بدلوا بدلوي حسب وجهت نظري الشخصيه على اساس انك برفقه عائله صغيره
المولات الكبيره المشهوره مثل مول360-الافننيوز- الكوت والمنشر - شرق يفضل الذهاب لها ما بين الساعه 10صباحا وحتى الساعه 4عصرا ليش ؟
ااولا : الان هذه الفتره هادئه و تكاد تخلو من بعض المراهقين المفسدين للجو العائلي
ثانيا : حتى لاتحرم من التمتع من بعض المقاهي وبعض المطاعم مثلا المقاهي الموجوده في الكوت ولاستمتاع بصوت النوافير الموجوده هناك في الهواء الطلق او الافطار في مطعم (زيت وزعتر) في الافنيوز بالاضافه الى كثافه العروض السينمائيه وخاصه افلام الاطفال والتي تبدا من 1ظهر -5مساء
ابراج الكويت
يفضل الذهاب لها صباحا من 9-12 للتمتع بمشاهده المنظر من الاعلي
المركز العلمي
في اي وقت اثناء الافتتاح سواء مساء او صباحا
الشعب الترفيهي
من 4عصرا - 9مساء
المباركيه
مساء من 4-9
يوم البحار
مساء من 6-11ليلا للتمتع بالنسيم البحري الهادئ

حديقه الحيوان

انتبه يجب الحضور لها قبل الساعه 5:30 مساء لان بعد هذا التوقيت تغلق اقفاص الحيوانات ولايوجد بعد هذا الوقت سوء الجلوس والتمشي في ومشاهده بعض الطيور وركوب الاطفال بعض الالعاب مثل الحنطور وغيره
ومن وجهه نظري يفضل التواجد قبل صلاة العصر ومن بعد الصلاة اي الساعه 3 تبدا مشوار التمشي في الحديقه والاستمتاع بمشاهده الحيوانات لغايه وقت اغلاق الاقفاص ساعتان ونصف يمديك شاهدت جميع الحيوانات ومن ثم التجول في باقي الحديقه حتى 10 مساء
المطاعم
لايشترط الحجز المسبق ولكن يفضل الاتصال والحجز وان لم يحصل ذالك يجب الحضور مبكرا يعني اذا كنت تريد وجبه غداء احضر قبل ال 1 ظهرا
الاخوان مايقصرون معاك وحياك الله

السلام عليكم
اخوي ان شاء الله توصل بالسلامه
بعد ماتريح صلوا المغرب بالفندق وعقب طلعوا روحوا الابراج وقريب من الابراج سوق شرق تمشوا فيه وتسوقوا واقل من 10 دقايق عندك يوم البحار وانت راجع تقدر تتمشى وتتعشى بمطاعم المباركيه. هذا اول يوم خلص
6- 11 عندك مطعم امام المارينا يسمون المكان مارينا كرسنت على البحر مطعم تتريقون فيه حلو وقعدته حلوه اسمه زعتر وزيت تخلصون ريوق وبعدين ادشون مارينا مول او تروحون المركز العلمي قريبين على بعض وقريب عليكم سوق السالميه
تردون تريحون العصر او بعد المغرب عندكم حديقة الشعب
7_ 11 الصبح مجمع 360 او الافنيوز وبعده حديقة الحيوانات بالليل تروحون الفحيحيل مجمع المنشر و الكوت واسواق الفحيحيل وقريب منها مجمع كويت ماجيك فيه العاب صاله وخارجيه يستانسون اليهال انا اقول حديقة الشعب وكويت ماجيك يغنون عن المدينه الترفيهيه لانها بعيده وزحمه ماراح تستانسون.
8- 11 تختارون لكم مجمع من الصبح لين الظهر وتتغدون باحد المطاعم الي ذكرتهم بعد المغرب تروحون المسرحيه
اخوي هذه الاماكن القريبه من بعض تقريبا انت غير فيها حسب رغبتك وحياكم الله بديرتكم الكويت

ابراج الكويت
انا انصحك ابراج الكويت ومطعم ميس الغانم مع بعض لانهم قريبين من بعض
الحديقة الترفيهي او الشعب
حديقة الحيوان
مافيها شى ما انصحك لانة كلها اجانب عادية
يوم البحار
مكان شعبى راح يكون زحمة فى العيد ما انصح
مجمع 360 مع دخول السينما
ممكن تقضى فيها نصف يوم
سوق لمباركية
سوق جميل تقضى به نصف يوم هناك من حلاوة المكان
سوق السالمية
المركز العلمي
الصبح افضل وقت بعيدا عن الزحمة وقريب من مرينا مول
سوق المعلم
سوق الرخيص حلو
سوق شرق
سوق شرق قريب من يوم البحار تقدر تروح المكاتيت
مطهم ميس الغانم هل يحتاج حجز اذا يحتاج رقم الحجز
مطعم فريج صويلح هل يحتاج حجز مسبق
مايحتاج حجز
مجمع الكوت افضل اروح بليل
ما انصحك المجمع الكوت الافنيوز والمرينا افضل بكثير منه
ملاحظة: انا عندي حجز مسرحية ليلى و الذيبين ثالث ايام العيد الساعه 6.30
وقت ممتاز بص ما انصحك تروح مكان غيرة لانة ازدحام بالعيد

شكراً لكل من قام بالرد على استفساري و مساعدتي ان شاء الله راح اخد بعين الاعتبار لنصايحكم القيمة اخواني انصاري،بو طلال العدواني،كويتي 1968،بيت الكويت ما تامروني على شي من بالدكم الثاني البحرين تر احنا في الخدمه و لساني عاجز عن الشكر
تحياتي لكم
اخوكم ابو فطوم

ابو فطوم
اخوي احنا بخدمتكم تامرون امر
نبي سلامتك وحط بالك بالطريج اذا كنت جاي بالسياره.
توصلون بالسلامه ان شاء الله
انت اذا وصلت بالسلامه ان شاء الله واحتجت شي بالكويت احنا بالخدمه

تسلم اخوي كويتي 1968 الصراحه اخجلتني بس هي من طيبة و جود اهل الكويت اخوانه و حبايبنا تسلم لي و الله يحفظك ربي و يخليك ذخر قل امين
تحياتي
اخوك ابو فطوم

حياك الله اخوى نبى سلامتك