أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم يا اخوانى واخواتى
ابي اسافر مع زوجتى لبنان واول مرة اجي لبنان ابي فنادق عائليه ومواقع سياحيه عائليه
ومطاعم فيها كباين واجواء حلوة ابي جدول حق 5 ايام بشهر 3
والله يوفق الجميع انشالله
ومشكورين
كويتى طيوب يا هلا بعتذر منك بس كنت مشغولة شوي البارحة وما حبيت اكتب اي شي وامشي تجوا بالسلامة يا هلا فيكم بالنسبة للفنادق أنا برشح أوتيل السفير أو ديونز بفردان عندك لانكستر كمان سافوي رويال بلازا لو بدك شي راقي وشوي غالي عندك الفنيسيا بالنسبة للمطاعم الي فيا كباين بصراحة ما عندي فكرة عنا وما كتير فهمت قصدك يمكن قصدك مش مختلطة لو هيك قصدك ما بعتقد بتلاقي لأنو لبنان متعدد الأديان والمذاهب وكل شي فيه مختلط بالنسبة للجدول باليوم الأول فيكم تزوروا مغارة جعيتا والتلفريك وحاريصا وجونية وجبيل وتتغدوا بمطعم كسار بجبيل او تتغدوا بمطعم مانويلا بجونية
أما بالنسبة لليوم التاني فيكم تطلعوا على فاريا
باليوم التالت طلعوا على بيت الدين وقصر موسي ونبع الصفا ولو بدكم فيكم تكفوا بنفس الوقت على عاليه وبحمدون بس ما بظن رح تستفيدوا بشي لأنو هالمناطق بتسكر بالشتا بتفتح على ما أظن بشهر 6بس انتو مروا مرور الكرام شوفوا المعالم الطبيعية أو لو مش حابين تمروا على عاليه فيكم من بيت الدين تروحوا على جزين وصيدا تزوروا قلعة صيدا وتتغدوا بمطعم الحان وفي كتير مطاعم غيرا كمان وبنفس الوقت تسوقوا من سوق صيدا
باليوم الرابع فيكم تقضوه تسوق بلبنان أو لو حابين تطلعوا على البقاع تزوروا زحلة وعنجر أو تطلعوا على الجنوب لو إخترتوا التسوق عندكم سوق الحمرا وسوق فردان وسوق مارالياس وسوق برج حمود وعندكم ال abc الأشرفية وضبية وكمان عندكم الستي مول وال beirut mall وسوق معوض والجامعة العربية وسوق بربور كمان فيكم تشوفوا شي فيلم بالسينما ملاحظة يعني فيكم بالنهار تعملوا كل مشاويركم وبالليل تسهروا بالسوليدير أو بفردان بالديونز عندكم مطعم أوتار بأوتيل المونرو كمان في مطعم السلطان إبراهيم بالسوليدير عندكم بتي كافيه أو جراند كافيه كمان روتانا كافيه وغيرن ... في كمان ال الباي روك عالروشة فيكم تتعشوا فيه منيح كمان ال بتي كافيه عالروشة بالنسبة للسيارة أنا بنصحك تستأجر سيارة صغيرة مع شوفير أحسنلك الأسعار بتبدأ من 55 أو 60 دولار وطلوع لو كانت السيارة موديل ال 2009 لو غير موديل بتكون أقل هيدا بالنسبة للسيارات الصغيرة إن شاء الله كون قدرت افدتك رحلة موفقة إن شاء الله
ماشالله 26 شخص ولا واحد فيكم تكرم وعطانى الى ابيه على العموم مشكورين