- انا من الشارقه ونويت اسير فيننا ومنها سالزربورغ وزيلامسي
انا من الشارقه ونويت اسير فيننا ومنها سالزربورغ وزيلامسي
طبعنا نحنا عايله مكونه من 2كبار انا والمدام3 أطفال 7/6/4 سنوات وطفله 8 شهور...
حجزت على طيران الامارات بتاريخ 7/8/2006 دبي/فيينا/دبي ويمكن اغير الى دبي/ فيينا/ ميونخ دبي طبعا بعد ما تتحفوني بنصايحكم وبعدين بقرر التذاكر المجموع 11770 درهم...الخدمه اللي ابيها وما عليكم زود وأدري بكم ما تقصرون طبعا باين من المواضيع والفن اللي قاعدين تقدمونه:x1: فهالموقع الجميل:x1: الصراحه غيرتوا وجهتي من بروكسل ودوسلدورف الى فينا وزيلامسي وسالزلبورغ وما عليكم اماره ممكن تنصحوني وين اسكن (بفيينا) و(سالزلبورق) و(زيلامسي)وأحسن الاسعار وشو اخذ شقه ولا سويت ولا غرفه لنا كلنا وهل ممكن كلنا نجلس فغرفه لأن العيال يخافون بروحهم فغرفه ههه يعني شو النظام هناك؟؟ وابي راي الناس اللي مجربين وخاصه ة اللي عندهم عوايل ما ابي ادوخ واتشحطط وتزعل الحرمه والعيال من السكن والرحله لأنهم عندي بالدنيا وهاي رحلتهم لاني انا اسافر وايد مع النادي معسكرات و أخليهم يتريون الهدايا فياليت يا اخوان واخوات واسمحولي اسميكم سفراء السياحه العربيه والله كلكم ذوق وخاصة شرحكم وتصويركم للرحلات والصور الفوتوغرافيه روعه وابشروا باللي تطلبونه مني وياريت تفيدوني ب(فينا)لاني اقدر اتصرف هناك ومن وجهت نظري بحاول احجز لمدة يومين او ثلاثه وبعدين بحاول أدور الافضل ولا شو رايكم؟ واذا انا ساير غلط
أرجوكم عينوني ههه أخوكم عبدالله:::11oto: :m9:
