1. الاجراءات : ابراز الجواز ويكون صالح غير منتهي ملكية السيارة ( والتخويل في حال ملكيتها لشخص آخر) و التبليغ عن اي اسلحة او مبالغ نقدية تتجاوز 25 إلف ريال سعودي او حيوانات.
2. افضل تجي من ايام الاحد لي الثلاثاء عشان تتفدى الزحمة ويكون الوقت في حدود العاشرة صباحا لي غاية 1 ونص العصر.
3.
المجمعات: مجمع سيتي سنتر الجديد ، مجمع السيف ، مجمع العالي ، مجمع الدانة ، مجمع البحرين.
التسوق : سوق المنامة القديم ، سوق المحرق ( الحلوى ).
الاماكن الاثرية : متحف البحرين الوطني، شجرة الحياة ، قلعة عراد ، قلعة البحرين ، قلعة الرفاع.
الدواره : شارع المعارض ، شارع الجفير.
الترفية: جنة دلمون المفقودة ( منطقة الصخير ) ، حلبة الفورملا 1 حفلة عمرو دياب.
تحياتي اخوي وجاهز لاي اسئلة

جعلك سآلم وغآنم اخوي (( محمد الحمآدي )) وبيض الله وجهك ..
بس حبيت استفسر عن اسعار منتزه الدلمون ومنتزه عذاري ..؟؟
يعطيك الف عافيه ولا هنت ..

كآرديآل
حاضرين لك اخوي
بالنسبة لجنة دلمون 130 ريال سعودي = 13 دينار بحريني للشخص .. وطبعا كل شي متوفر فيها .. لانه ماتقدر تاخذ معاك غير هدومك والسجاير لو كنت من المدخنين اما المشروبات والاكل ممنوع. ( اوقات الدوام بالعيد 10 صباحا - 8 المغرب ) للعوايل ويوم الخميس فقط للنساء ( 7 المغرب - 12 الليل )
بالنسبة لي عذاري .. اعتقد الدخول بدينار واحد .. بس الالعاب فيها كل لعبة بفلوس بعكس جنة دلمون انك من تدخل تقدر تلعب كل لعبة الف مرة. اوقات الدوام بالعيد ( العاشرة صباحا - 12 ليلا )
تحياتي ..

حياكم الله في البحرين ... وأخونا محمد ما قصر ... كفى ووفى ...أخوي محمد الحمادي ...
شاكرة تواجدك في البوابة ... ونشاطك ومشاركاتك القيمة والمفيدة جدا ..
جزاك الله ألف خير ..

يعطيك الف عآفيه اخوي محمد بس انت تقول الدوام في العيد ( من 10 - 7 المغرب ) ومره ثانيه كتبت ( من 10 - 13 ليلا )
هل هنآلك فترتين للدوام ؟؟

كآرديآل
مرحبا فيك أخوي ...
جواب الاخ محمد كان واضح .. بس الظاهر التبس عليك الموضوع ...
جنة دلمون المفقودة :
( اوقات الدوام بالعيد 10 صباحا - 8 المغرب ) للعوايل ويوم الخميس فقط للنساء ( 7 المغرب - 12 الليل )منتزه عين عذاري:
اوقات الدوام بالعيد ( العاشرة صباحا - 12 ليلا )
وحياكم الله

كآرديآل
حاضرين لك يا خوي واتشرفنا باي وقت والله يوفقك

يالغالي المحرق موب ذاك الزود المنامة افضل لك كثير

ماشاء الله الاعضاء ماقصروا معاك