هلا بك اخوي معنا في المنتدى
بالنسبه للمرشد السياحي والله ما تحتاج مرشد لأن لو لقيت احد بيكون نصاب واللي بيوريكم انتم تقدرون تروحون له بدون الحاجه لمرشد سياحي
انصحك تاخذ لك فره بالقسم وراح تلقى كل شي عن لندن واشياء المرشد لا يعلمها والسبب كثره السواح على بريطانيا وعارفين كل شبر في لندن وبريطانيا
هل كلام اقوله لك من اخ ينصح اخوه ولك الحرية بس ما انصحك لأن لو لقيت احد بيكون نصاب وهمه مادي بحت
اخوك
عبدالله

اي والله صدق اخوي عبدالله >>واذا تبي احد او مرشد سياحي ملزم
فروح عن طريق الشركات السياحيه في لندن ..

وه وه وشدعوة
الديرة أبد ماتضيع
حرام تعق فلوسك ع الفاضي ..
خذ لك فرة في المنتدى .. بتحصل كل شي ..
واذا مب فاضي .. إحنا نجهز لك

• الأماكن السياحية + أسعارهم + أفضل وأقرب طريقة مواصلات
• المطاعم +أسعارهم + أفضل طريقة مواصلات

الأسواق + نعطيك نبذة عن بضاعتهم وأسعارهم + أفضل طريقة مواصلات
( وكل هذا موجود في مواضيع وتقارير البوابة)

Abdullah_uk
اخوي عبدالله يامرحبا والف شكر على اهتمامك وتعليقك اللي اوافقك عليه في قضية التعرض للنصب او الاحتيال
لكن مايضطرني لذلك هو اللغة الانجليزيه فأنا لا اتقنها
بارك الله فيك وشكرا مرة اخرى

سبينر
بصراحه ضحكت لما قريت ردك مو لأنه مضحك لا والله بس ضحكت على وضعي
يعني انا لو اعرف اقو للتاكسي ودني لمكتب سياحي كان عرفت اصرف اموري كلها ولا احتجت للمرشد
المشكله في اللغه !!!!!!!!!!!

ريم الدوحه
اكيد ما راح احد يعق فلوسه عل الفاضي بس مضطر لأني ابي الف الديره وجميع معالمها وبنفس الوقت مااعرف انجليزي يعني وشلون بقول للتاكسي ودني كذا او كذا واتفاهم مع القطار او الباص او ..... الخ

بالتوفيق ان شا الله ,
للرفع

صحيح كلامك اذا انت صفر بالانجليزي فماباليد حيلة ^_^
لو كنت من سكان لندن كان والله لأكونلك مرشد سياحي وش دعوه ياخوي الناس للناس ^_^
لكن ان شاء الله تحصل واسف اني ماقدرت اساعدك
سي يو

سبينر
من قال
الواحد يقدر يدبر عمره .. ياما رحنا دول ماينطقوون سكانها لا عربي ولا انجليزي
مثلاً راعي التاكسي .. شتبي تقوله ؟ موضوع إنشائي .. يكفي أنك تقول اسم المكان الي تبيه
ولما تدفع تشوف العداد وإذا ماعرفت الأرقام .. حتى بالإشارة الواحد ممكن يدبر عمره
عموماً .. بالتوفيق إن شا الله .. والله أتمنى لكم رحلة سعيدة
ولو أعرف مرشد سياحي من عيوني ..
( و لو اني أفضل انكم تعتمدون على نفسكم , حتى ممكن أحد من أطفالك يكون هو المترجم وأنت المدبر )
للرفع مرة أخرى