شفت ال بي دي أف ... شغل متعوب علية وايد ..... كلچ ذوق
احس نيويورك وايد 5 ليالي ، نيويورك صغيرة وغالية ....... ونصيحة السكن في ميامي مؤ في فورت لوترديل .....

aziz20012001
تسلم
يعني نيويورك كبداية احس نحتاج وقت نتعود على فرق التوقيت فأكيد يوم ضايع
ويوم شلالات نياقرا
ظل يومين جولات
المشكلة ما اقدر اغير لأني حجزت كل شي سكن وطيران فاي تعطيل في مدينة بتصير عندي لعبة دومينو لإعادة الترتيب
اٍذا شفت زاد عندي وقت في نيويورك احتمال اروح واشنطن يوم وارجع
بالنسبة فورت لودرديل هذي ممكن أعدلها بس أنا اخترتها اول شي انها بعيدة عن الزحمة والفندق مقابل للبحر وكذلك غرفتين أغراني صراحة
انصحني بفندق مشابهه له في ميامي ويشوف الظروف
طيب بالنسبة للأسواق في شي فاتني؟
والمطاعم وين احصل مطاعم عربية وهندية في المدن المذكورة
يا بيت تفيدني وبكون شاكرة لك

ها نياقرا ، شلون بتروحون طيران؟؟؟
فورت لوترديل ماتسوي أبدا .... ميامي أونس واكشخ بوايد

aziz20012001
اي نياقرا بالطيارة مذكور هالشي في الجدول
بالنسبة لميامي بشوف الموضوع اذا في مجال

ما شاء الله تروحون وترجعون بالسلامة لو انا اللي بسافر
نيويورك 4 وواشنطن ما تستحق العناء من نيويورك
اخر 3 فورت بغيرها لميامي
اوراندو الجو بيكون حار لكن لو بجلس هالفترة فيها بزيدها من 6 ل8 ايام

ربي يعطيج العافيه اختي بنت القبايل
الصراحة شغل متعوب عليه وايد
اهنيج على مثابرتج و ترتيبج الحلو لكل شي ما شاء الله
انه عن نفسي ما عندي تعليق على المخطط لان شامل كل شي مع البرامج اليومية والاسعار و بنفس الوقت ليلحين ما خطت ريلي على الاراضي الامريكية بس ان شاء الله انه بروح وبرجع قبل رحلتج واقدر افيدج لو بشي بسيط بعدين مثلا عن المطاعم او شركات الاتصالات او اي شي حابة تستفسرين عنه خلال وجودي هناك ..
اخوج الوحيد

placeplace1
الله يسلمك
هو المسافة من نيويورك الى واشنطن في حدود 4 ساعات
لو زادت عندي ايام ممكن اروح و ممكن له
ان شاء الله ماراح اخسر ايام نيويورك لأن يوم الشلالات ويوم اوتلت وود بيري و بريميوم ويومين بلف نيويورك
بعد الاجماع ان فورت لودرديل ماتسوى بشوف امكانية تغيير الحجز
شكرا لك

الوحيد
مشكور ماقصرت
بالضبط هذا الي احتاجه المطاعم وبطايق الاتصالات تحديدا ( بلاكبيري)
بكون شاكره لك