اختي هنوفر مدينه جميله لكن انا انصح انكم تروحون هامبورج اذا ما شفتوها من قبل وهي تبعد عن هنوفر بالقطار ساعه وعشرين دقيقه صراحه اكبر ومناطق التسوق فيها حلوه وتحسين بانشراح فيها اكثر من هنوفر واذا حبيتي هنوفر فيها الاتي .
نص البلد فيها حلو جدا ومرتب والمدينه اعيد بناءها من جديد بالطرق الحديثه لانها من المدن الالمانيه اللي دمرت ايام الحرب العالميه .
فيها بحيره حلوه الناس يمشوا حولها اسمها المتشزاي ممكن ايضا انك تروحلها وتتمشى وهي ايضا جنب فندق الكونراد ماريوت .
نص البلد اختي اسمه كروبكا وهي اللي فيها التسوق والتمشيه وفي محطه مترو اسمها كروبكا هي اللي تنزلين فيها اذا بتروحون نص البلد .
فيها ايضا الحدائق الملكيه حلو ه ومرتبه وكثير يجوها من اوروبا يزوروها .
وايضا المحطه الرئسيسه للقطار حلوه ومرتبه وفيها قهوه مشهوره تلقا تجمعات فيها كثير وهي ايضا ( محطه القطار ) قريبه من منطقه كروبكا جدا .
قريب من هنوفر ايضا ملاهي اسمها الهايدا بارك حلوه ومعروفه وضخمه وفيها العاب جدا حلوه .
وايضا فيه الفوجل بارك وهذي حديقه للطيور وتعتبر من اشهر حدائق الطيور في العالم .
وفيه السفاري بارك كل هذا اللي ذكرتها قريبه من بعضها البعض وتبعد عن هنوفر تقريبا 60 كلم يعني تقريبا بين هنوفر وهامبورج بس اقرب اكثر من هنوفر .
واي استفسار تحت الخدمه

كانت وجهتنا بالأول هامبورج بدل هانوفر بس حسيت ان المسافة راح تكون كبيرة الى ميونيخ وبما اننا نستقل القطارات للتنقل بين المدن الألمانية حبيت أسأل؟؟؟
بالقطار كم المسافة بالساعات بين برلين الى هامبورج ومن هامبورج الى ميونيخ؟؟

هلا
من برلين الى هامبورج ساعه وسته وثلاثين دقيقه بقطار ال ice .
من هامبورج الى ميونخ خمس ساعات واربعين دقيقه بقطار ال ice .
اختي اذا عددتكم كبير يعني اربعه فما فوق انا افضل سياره قان مع نفيجيشن لان تذكرة القطار للشخص تقريبا 119 يورو على الدرجه الثانيه والسياره تكلف تقريبا من 150 الى 170 يورو يوم واحد فقط .
والامر لكم .

احنا عددنا 4 ومعانا عائلة عددها 5 مع طفل صغير ، اعتقد نحتاج سيارة كبير تشيلنا ، بس من وين يكون تأجير السيارة ؟؟

افضل سياره طبعا تخيلي 119 يورو في 9 1071 يورو يعني حوالي 5000 وشوي ريال سعودي مره كثير
يوجد فانات تشيل 9 أشخاص وانواعها فولكس واجن ومرسيدس ورينو .
وتلاقونها في شركات التاجير المشهوره زي ايفيس هيرتز بدجت يوروب كار .
وعن نفسي انا مجرب اليوروب كار وكويسين .
مكان الايجار ممكن عن طريق المطار اللي بتنزلون فيه بس لازم التنسيق وحجز السياره قبل السفر .
فيه مواقع عن طريق النت زي اكسبيديا وبوككنج كلها ممكن الحجز من خلالها .
ملاحظه السياره لازم تطلب بنفيجيشن سيستم ولمن توصلون للبلد المراد تسلموا السياره ثاني يوم وتستخدموا بعدها التنقلات الموجوده مثل مترو وباصات وخلافه .
وبكذا تكونوا وفرتوا مره كثير .