1. وفي هالمكان سوبر ماركت كبير .

تورمرينوس مدينة هادئه تسكن في القرب من ملقا وأنت متجه إلى ماربيا تقع في أعالي شاطئ كوستا ديل سول الساحر ؛ أعتقد وقت وقت ذهابك يكون الجو معتدل يميل إلى البروده مع أني ذهبت في شهرأكتوبر
وكان الجو موبارد بس خذ إحتياطاتك .
الأماكن السياحيه .
موقع تورمرينوس يؤهلها لتكون هي السنتر بين الأماكن اللتي ينشدها السائح الخليجي بالذات :

• تيفولي ورلد .
• أكوابارك
• ميخاس بس والله إنها منطقه تصفي المزاج وإذا صار وياك سفن أب تصير رايق

الأهم إن تورمرينوس ملاصقه لميناء أو مرسى اليخوت بورت مارينو وهذا الشاطئ تتناثر على جنباته القهاوي والمطاعم العالميه أذا شفت هالمكان بتشوف رسمه مارسمتها ريشة الفنان

وفي هالمكان سوبر ماركت كبير .

تورمرينوس تشتهر بحياتها البسيطه ناسها ودودين تشتم رائحة الزعفران في حواريها لأنها تشتهر فيه
ويوجد فيها أجود أنواع الزعفران وهذه أحسن هدايا للي ناطرينك , عاد لايطوفك إنك تمر منطقة بين المدينه اللي جنبك تراه حلوه ومطاعمها اللي على البحر جيده ‘ وبعدها تجيك فونخوريلا مدينة الكويتين تبي الصج حلوه حيل واللي محليها الكويتين ( واحد عنصري حده ) فونخوريلا شواطئها ساحره والمحلات اللي على البحر تفتح النفس وسوقها كبير والتمشي العصاري ماينفوت فيها .
اللي نسيت أقوله أن تورمرينوس رخيصه بالنسبه لماربيا .
أخيرا أتمنى إني رديت بشي لوصغير من اللي طلبته ولاتزعل من بعض الشطحات اللي كتبتها ترى بس أبي أفرفش الرد .
الله يحفظك ويكتبلك التوفيق وأي سؤال أنا حاضر .

سامحني رديت عليك متأخر .. لانه فعلا كنت مستعجل واليوم الثاني ترى انا مشيت وماشفت الرد االا بعد مارجعت لكن الحمد الله استأنست في توريميلنوس ...واتمردغت على الشاطئ اللي ياخذ العقل ..ورجعت وخليت عقلي هناك ....ههه .. تراني امزح ... ويعطيك الف والف عافية اخوي اندلسي ..
ودمت لنا ؟