1. السلام عليكم ورحمة الله وبركاته

السلام عليكم ورحمة الله وبركاته

طبعا هدي أول مشاركة لي في المنتدى طبعا بعد متابعة طويلة واستفادة كبيرة من أكتر الأعضاء في هدا المنتدى الأكثر من رائع .. بس اتمنيت انو أول مشاركة تكون قوية وارجع فيها شي من الجميل للكن للأسف ربي ماأراد بسبب عطل في الجهاز طبعا مسح معاه 640 صورة كانت شاملة لمعظم الأماكن الهامة والشركات والأماكن الترفيهة ،،،، تعب شهرين راح ياجماعة بس أوعدكم اني أعوضكم ان شاء الله ..
الان انا لي شهرين ونص في بنقلور ،،، حبيت أفتح الموضوع دا كمناقشة عشان أقدر افيدكم قد ماأقدر من معلومات عن بنقلور بشكل عام ،،،، وكمان ممكن نتكلم عن باقي مدن الهند لأنو صراحة شفت وسمعت عن حاجات وودي اتناقش فيها مع خبراء الهند الاستاذ / الباخص والاستاذ لمسات وكل الاساتذة من غير استثناء يعني مننا معلومة ومنهم معلومة ممكن تكون مرجع مفيد للي بيزور الهند او بنقلور بشكل خاص ... الاخوة اللي عندهم استفسارات يحطو استفساراتهم وان شاء الله راح نجاوبها وحتى لو ماتوفرت المعلومة راح احاول اوفرها ان شاء الله وكمان برضو انا راح احط المعلومات اللي عندي ونظرتي بشكل عام ..وكمان ياريت الاخوان اللي لهم خبرة في بنقلور او الهند يشاركونا في تقديم المعلومة للراغبين واتمنى كمان أساتذتنا ومشرفينا مايحرمونا من مرورهم وطلتهم مهما كان وجودكم بيعطينا دافع الله لايحرمنا منكم ولا من معلوماتكم ولا من مروركم كمان وطبعا أوجه دعوة خاصة للعضو ((المتيم)) للمشاركة في هدا النقاش لأنو من اكتر الناس اللي ساعدني بمعلوماته وبمعارفه هنا في بنقلور وكان له فضل كبير صراحة وماقصر وأشكره جزيل الشكر على تعاونه .
وأتمني تقبلوني صديق بينكم وان شاء الله نفيد ونستفيد