3 ساعات تقريبا ,,,,,

missy
اختي بصراحه والله ما عندي خبر // لكن حسب ما قريت هنا .. تستغرق حوالي الساعتين وانتي خالصه ان شاء الله //
لكن ،،،
انا موعدي يوم الاربعاء ( بعد بكره ) .. يعني بعدك ... ياليت بعد ما تخلصين ... تكتبين وش صار لك في المقابله
اكون لك شاكر لا هنتي ،،،

والله ما أدري ،، لأن مقابلتي السبت القادم ،، يليت تكتبين لنآ كم استغرقتي ووش صآر معك ،،

الله يعطيكم العافيه
ساعتين كويس ياليت والله
ابشروا بعد المقابله بعلمكم عن المده

السلام عليكم أنا مقدمة ع الفيزا ورحت الثلاثاء اللي فات
طلعت من بيتنا ع سبع ونص ووصلتهم ثمان
دخلت داخل السفارة ع الثمان ونص بعد ما فتشوني إللي هي البنانية الدبدوبه إللي عند نقطة التفتيش
عقب دخلت بس إذا دخلتوا لا تخترعون من الجندي إللي ما سك الرشاش
عقب خذيت رقمي واصلن موعدي ع الساعة 9 ونص..وهقب شيكوا ع أوراقي وكملت الناقص
بعد تقريبا ساعو إلا دخلت صالة ثانية وشيكوا مرة ثانية ع الاوراق وثمن رجعت للصالة قعدت حوالي النص ساعة
سوو معي المقابلة واحد امريكي والحمد لله ما خذت ولا 10 دقايق
ويوم السبت طلعت الفيزا والحمد لله يارب...

myking
شكرا على عرض تجربتك
رحت اليوم والحمد الله ماطولنا
موعدي 7 ونص كنا هناك 7 ووقفنا بالطابور بس ما بدوا الا 7ونص
قعد الموظف ينادي اللي مواعيدهم 7 ونص يجون يمين واللي 8 يجون يسار
وكان فيه ناس متقدمين بالصف موعدهم 10 قاللهم ارجعوا ورا توكم
وقفنا بصف ال 7ونص ولازم نكون مجهزين 3 اشياء :
ورقه الموعد
الصور
ايصال سامبا
جا الموظف وشيك على اوراقنا ال3 هاذي بعدين دخلنا وبما اننا ماكان معنا شي لاجوالات ولا شي دخلنا بسرعه
تفتيش زي حق المطار وسألني اذا لابسه ساعه اوذهب وقلت لا وفسخونا جزمنا ودخلنا
اخذنا رقم وقعدنا نستنى بعدين لما طلع رقمنا عالشاشه رقمنا ورقم الكاونتر رحنا وخذا اوراق زوجي قبل وسأله كم سؤال منها من وين متخرج الجامعه ووشو قسمك وبرضو متى تخرج من الثانوي ومن اي مدرسه عاد زوجي وقتها تنح وقعد يعد بأصابعه
بعدين خذا اوراقي وماسألني عن شي
وطلب صور من الجواز وماجبنا فراح صورهم هو
بعدين رحنا غرفه ثانيه وقعدنا نستنى (نفس الرقم الاول)
بعدين يوم طلع رقمنا رحنا كاونتر فيه وحده بريتيش وش حليلها سألتنا اسئله كم لكم متزوجين عندكم اطفال بتاخذون بنتكم معكم
وسألت زوجي كم لك بشغلك وكم راتبك البيسك ووين بتروحون اي ولايه بأمريكا
بعدين قالت جوازاتكم موافق عليها انتي جوازك بيصير جاهز خلال اسبوع وانت(لزوجي) خلال اسبوعين ل3 اسابيع
عاد مدري ليش هو يطول اكثر مني يمكن لأنه سفرياته اكثر مني
بعدين رحنا فيدكس وحطينا عنواننا ودفعنا وطلعنا
وصلى الله وبارك
كل الموضوع خذا مننا ساعه ونص ولله الحمد
له جائزه اللي بيعد كم مره قلت كلمه( بعدين )بردي