اخوي سامي الصرفيه تعتمد علي اشياء مهمه ومنها :
1- خطوط الطيران
2-نوعيه السكن
3- المواصلات
4- المطاعم
5- التسوق .
شوف اذا بتروح في شهر 7 او 8 اسعار الفنادق ارخص.
واذا استخدمت الترام والباصات والمترو راح يكون تنقلك ارخص من التكاسي
اذا اكلت في مطاعم غاليه راخ تأثر علي الميزانيه
اذا تسوقت كثير راح تأثر بعد .
من واقع تجربه انا سكنت 5 نجوم لانه شهر عسل واستخدمت كل شي الترام والباصات والمترو والتكاسي
واغلب اكلي كان فاست فود ورحت كم مطعم غالين مثل اللورد في فيننا وفرايديز بفينا وفندق يقدم الاكل النمساوي في زيلامسي والباقي كله فاست فود (بيتزا , مكرونه , شاورما , كباب , همبرغر ...الخ
وتسوقت وشريت هدايا ورحت رحلات واستمتعت.
كلفتني السفره من وإلي 30 الف ريال سعودي في 16 يوم. طبعآ انت تقدر تخليها في حدود 20-25 الف اذا اقتصد بالفنادق والتكاسي والمشتريات.
تحياتي لك

مرحبا أخوي
لازم تحدد وجهتك النمسا بس ؟والا وسويسرا ؟ وأي المدن تختار ؟ وكيف تبي تتنقل ؟
وعندك هواية المجازفة وحب الاستطلاع وللقافة وكل مكان تبي تشوفه وكل شي تبي تجربة ؟؟؟؟
واذا انت وسط في كل الامور فتتراوح مابين 20 - 25 ألف أنت وشطارتك في الاقتصاد
وياليت تحدد بالضبط عشان الاساتذه يفيدونك
واذا على الماكدو وش حليله رخيص وجباته 25 -35 ريال
وطبعاً تختلف صرفية الأكل حسب المنطقة والمدينة

غالية جدا اخوي بو عبدالرحمن
يعني كم تقريبا الصرفيه اليوميه غير السكن

اهلا اخوي شيم عربيه
ابروح لفيينا وزيلامسي فقط
ولا عندي مجازفه وحب استطلاع
فقط ابروح للمعروف يكفيني

سامي كانك علي فينا وزيلامسي بس اقترح عليك 12 وكفايه بعد .راح توفر كثير
نسيت وجبه الماكدونالدز انا وزوجتي ناخذ وجبتين وستروبري باي وماك فلوري

سامي فيينا وزيلامسي
كويسه جداً
انا وزوجتي رحنا شهر كامل
كلفتنا الرحله 40 الف ريال
شامل كل شي
تذاكر وسكن و مواصلات واكل وشرب ومقاضي المدام
ورحت بشنطتين نص فاضيه
ورجعت بأربع ما تقد تحط فيها قنينة مويه