السلام عليكم اسيلو ....
إذا أنت من النوع اللي ما تجيه السفرة الا مرة بالسنة أو مرتين لا تروح سيرلانكا
أما اذا كنت عادي متى ما حصلت اي فرصة رحت هنا أو هنا رح سيرلانكا وجرب وعطنا تقرير
عزيزي سيرلانكا سياحة بدون سياحة (( حلوه ))
أي أنها بلد مؤهل لاستغلالها سياحياً ولكنها لم تستغل
طبيعة بكر خلابة انهار بحار شلالات خضار
بعض الفنادق الجيدة
واذا عندك اسئلة عن سيرلانكا أنا جاهز ومجرب
ودمتم ،،،‘‘‘،،،

حبيب قلبى ابو خليل وشاكر مرورك واكيد منك نستفيد لاكن ودى تفيدنى عن البلد هل فنادقها فى مستوى ماليزيا مثلا وهل الواحد ما يتعب من ناحية الاكل لانه صراحه شرق اسياء عامتا وماليزيا خاصه عودتنا على الرقى والفخامه وصعبه الواحد ينزل عن ها المستوى ,,,,
مستنى ردك ولا هانو الاعضاء الكرام

السلام عليكم
بالنسبة للفنادق يوجد عدة خيارات 5* 4*3*1/2*
يعني أذكر على البحر سكنت بفندق اسمه ابل (( تفاحة )) ما شفت مثله لا بالسعودية ولا غيرها من جد فخم فخم فخم
وسكنت بكاندي بفندق مثل شقق الثقبة (( خايسة )) ولا اقدر اقارن بماليزيا لاني لم ازرها
وبالنسبة للأكل ما أذكر واجهتنا مشاكل اكل الفنادق حلو وفخم وفيه ماكدونالدز وبيتزاهت وكنتاكي ،،،
شاكراً ،،،‘‘‘،،،

حياك اخوي
رغم إني للحين ما رحت لسيرلانكا
لكن قريت كل المواضيع اللي تخص سيريلانكا بهذا المنتدى
أنا بحاول أجاوبك أو أفيدك بشيء يمكن يساعدك على القرار
انت رحت لماليزيا واكيد رحت للاماكن المعروفة اللي هناك
ارجع لنفسك وشوف
هل انت حبيت لانكاوي وكاميرون هاي لاند أكثر من غيرها من المدن الماليزية ؟؟
ولا انت ماحبيتها كثير بالمقارنة مع كوالا وبيننغ وصن واي لاقون وجنتنج ؟؟
لو كنت من الناس اللي حبيت لانكاوي وكاميرون فأتوقع ان سيرلانكا مشابهة لهم كثير
لكن لو كنت انت من الناس اللي تحب التطور والاسواق والملاهي مثل جنتج وصن واي لاقون فأتوقع إن روحتك لسيرلانكا مقلب كبير بيكون بالنسبة لك
اتوقع انت الحين وبما انك زرت ماليزيا اكيد راح تقدر تقرر بشكل أكثر دقة