- بسم الله الرحمن الرحيم
بسم الله الرحمن الرحيم
في البداية احب اشكرالقائمين على الموقع العظيم وعلى المشرفيين القائمين على القسم الماليزي وللموقع واللي يتحفنى صراحه بكل المعلومات اللي فيه واللي تخلي الواحد صراحه يستغني عن المكاتب وعن اسعارهم المبالغ فيها وعمولتهم الغير معقولة وتحية طيبة لكل الاعضاء .
قررت السفر الى ماليزيا في الايام الجايه وكان القرار بدون اي تخطيط مسبق وصراحة لضيق الوقت حبيت اني ادخل استشيركم في المخطط حقي للسفرة من التقارير اللي قريتها في القسم الماليزي وياليت ان شاء الله اني احصل تجاوب معي عشان اطلع بمخطط سهل ومخطط مايكون فيه اي ربكة ان شاء الله لأن هذي اول زيارة لي لماليزيا .
بداية التخطيط سويت حجز على الخطوط القطرية وقصيت التذاكر لشخصين انا وزوجتي من موقع القطرية بحكم وجود معي بطاقة فييزا ولقيت انها انسب خطوط وانسب سعر من بين الخطوط المتوفرة .
ان شاء الله راح يكون الاقلاع يوم 30/1/2012 من مطار الدمام الى الدوحة ومن الدوحة الى كوالالمبور راح يكون الوصول يوم 31/1/2012 ان شاء الله الساعه 9 الصباح بتوقيت ماليزيا ( هنا نقطة ياليت احد يفيدني فيها قبل ادخل للتخطيط الوصول بيكون 9 الصباح وراح يكون توجهي الى الصن واي لاجون بس ماادري متى التشيك ان عندهم ؟؟ عشان وقت الوصول اعتقد انه في وقت مبكر ) .
التخطيط ان شاء الله راح يكون على النحو التالي :1/ الوصل الى كوالالمبور يوم 31/1/2012 والتوجه الى ولاية سيلانجور والاقامة في فندق الصن واي لاقون الى يوم 3/2/2012 . ((3 ليالي في سيلانجور )) .
2/ في يوم 3/2/2012 التوجه الى بينانق الى يوم 6/2/2012 . (( 3 ليالي بينانق )) .
3/ في يوم 6/2/2012 التوجه الى لنكاوي الى يوم 10/2/2012 . (( 4 ليالي )) .
4/ في يوم 10/2/2012 التوجه الى كوالالمبور الى يوم 14/2/2012 (( 4 ليالي )) .
وبكذا نقدر نلخص المخطط في :الوصول الى ماليزيا يوم 31/1/2012 والعودة الى الوطن ان شاء الله راح تكون يوم 14/2/2012 ومدة الرحلة 15 يوم ( 14 ليلة )) .
التنقل الداخي راح يكون عن طريق الطيران الداخي ( AirAsia ) .
وياليت تفيدوني اذا فيه اي تعديل او اقتراح لفنادق حلوه في المناطق اللي بزورها
ترى اتقبلها بصدر رحب وبشكل ودي وعشان نستفيد ان شاء الله ونفيد المسافرين الاخرين في التخطيط السليم والمثالي .
وفي الختام ماانسى اني اشكركم على جهودكم وعلى اهتمامكم في خدمة المسافرون العرب .
تقبلو تحياتي .
التشك ان : الساعه 2 الظهر .. لكن احيانا يسلموك الغرفه قبل الوقت ... لكن انت احسب حسابك على النظام وهو الساعه 2 الظهر
نجي لوقتك :
انت بتوصل ان شاء الله الساعه 9 الصباح ... احسب حساب ساعتين بالمطار .. واحسب ساعه طريق للفندق ... تصير الساعه 12 الظهر ..
تدخل الفندق اذا عطوك الغرفه وقتها حلو .. واذا قالوا لازم الساعه 2 ... يصير تحط شناطك عندهم وتروح للمجمع القريب تتمشى شوي وتتغدا وترجع بالوقت المناسب ...
الخلاصه : توقيت وصولك مره حلو .. ماشاء الله ..
1/ الوصل الى كوالالمبور يوم 31/1/2012 والتوجه الى ولاية سيلانجور والاقامة في فندق الصن واي لاقون الى يوم 3/2/2012 . ((3 ليالي في سيلانجور )) .
انا اشوف ليلتين كافيه وكافيه جدا
وخصوصا انك جاي ببدايه اليوم ... يعني ان شاء الله بتحلل الفندق ماشاء الله تبارك الله
2/ في يوم 3/2/2012 التوجه الى بينانق الى يوم 6/2/2012 . (( 3 ليالي بينانق )) .
3/ في يوم 6/2/2012 التوجه الى لنكاوي الى يوم 10/2/2012 . (( 4 ليالي )) .4/ في يوم 10/2/2012 التوجه الى كوالالمبور الى يوم 14/2/2012 (( 4 ليالي )) .
توزيع الايام مناسب وكافي ان شاء الله
بيننج ثم لنكاوي او لنكاوي ثم بينانج : كلها ماشيه
الان يصير عندك ليله اضافيه ( اللي هي الليله اللي اخذناها من سيلانجور )
اما انك تضيفها الى كوالالمبور
او انك تسكن في بوردت ديكسون في الفندق ابو مسبح ( قراند ليكزس او اسم قريب منه )
وان شاء الله الحبايب ما يقصرون معك باي نصيحه او توجيه