هلا فيك ماله داعي تدخل سويسرا وخصوصا انترلاكن بعيده عن ميونخ او الريف النمساوي .. وجنيف ابعد
0ايام حلو لو تنزل على مطار ميونخ ومنه مباشره الى سالزبورخ 3 ايام والقرى التي حولها ثم كابرون 5 ايام ثم ميونخ يومين .. طبعا يفضل تنزل ميونخ بالنهار
معاك سياره ؟؟
دمتم بود

الله يبارك فيك اخوي ابو عمر
بدت الخريطة براسي وجالس افكر بسؤالك
معاك سياره ؟؟
انا اخذت فكرة شوي عن ايجار السيارات من بعض مواقعها على حسب تقارير الأعضاء
اتوقع انها توفر علي كثير وان شاء الله تكون بالحسبان وخاصتاً انها بتشجعني اني ازور انترلاكن بيومين
فأنا حطيت مخطط على ترتيبك
من مطار ميونخ آخذ السيارة والى سالزبورخ 3 ايام ثم الى كابرون 3 ايام ثم الى انترلاكن 2 يومين
ثم الى ميونخ عبر الآراضي الألمانية والأقامة بميونخ 2 يومين
كيف ؟ المخطط
ميزانيتي اقتصادية وابي شقق لأني طول اليوم برا كم تقريبا احط قيمة لسكن في اليوم الواحد (بس تقريبي)
وايش ترشحون لي اسكن فيه ( اسماء الشقق او الفنادق ) بهذي المدن الأربع عشان آخذ فكرة عنها
والله يطول بالكم علي وعلى اسئلتي

المسافه بين كابرون وانترلاكن بعيده جدا ومتعبه
يمكن بالسياره 7 ساعات تقريبا
لذلك يومين انترلاكن وزعيها يوم في كابرون ويوم في ميونيخ ويكون المخطط كالتالي :
3 ليالي سالزبورغ
4 ليالي كابرون أو زيلامسي
3 ليالي ميونيخ
ومشرفنا ابو عمر أعلم مني بالموضوع وان شاء الله راح يفيدك أكثر

افضل مخطط لك اذا كانت عشره ليالي وليس ايام
ميونخ - ليلتين سالزبورغ - 5 ليالي كابرون - 3 ليالي ميونخ
ميونخ فقط للوصول وبنفس الوقت الانتقال الى سالزبورغ وحاول يكون وصولك لميونخ بالنهار

ابو نزية الله يبارك بوقتك على مرورك الكريم
صدقني الكل بستفيد منه لو بكلمة لكن وين ما رشحت لي اسماء بعض الشقق بهذي المدن

بنت حواء شاكر ومقدر مرورك اختي
لكن انا عندي وقت قليل ما ابي اقضية كله بالاسترخاء في زيلامسي ودي تكون رحلتي الأولى اكتشافية
عشان كذا شايف 5 ايام كثيره في مكان واحد وانا اتنقل منه اللي هو كابرون
حطيت انترلاكن لأنها ببالي اول شي ، يعيبها المسافة لكن اذا كانت 7 ساعات على حسب كلام اخوي ابو نزية حلو
لأني بكون وسط ذهول
اتوقع من جمال الطريق بحكم اني اول مره
وبعدين فيه شي ايجابي بالنسبة لي اني راح ارجع من مكان ثاني يعني كمان جديد وغير ممل ومرورا بزيورخ وراح امر
بالبحيرة الرائعة اللي كشفتي لنا سرها وسر جمالها من خلال تقريرك عنها وشكل المنطقة هادئة جدا بحيرة konstanz
يا ريتكم اقتنعتم بفكرتي والله اجتهاد بس من خلال التقارير ووضعني اخوي ابو عمر قدام الأمر الواقع لين حطلي تخطيط مبدئي من خلاله انا فكرة كذا ......... واوه لو تعرفون الأفكار اللي تجي ببالي بالليل لين احط راسي على المخده
والله كلمة شكر ما توفيكم قدر امتناني لكم لكن يالله بأنتظار ارائكم وترشيحاتكم لشقق واي تعليق وانتقاد وبكل روح رياضية

هلا فيك ..
شوف نقاط توضيحيه ..
1- طالما ما معاك اطفال ممكن نطلع من كابرون الى انترلاكن وخصوصا لو كان ما عندك مشكله بالمسافه الطويله وصحيح اغلب الطريق ريفي .. وطبعا بالمحطات تحتاج راحه ...
2- تقسيمك ممكن لو ادخلنا انترلاكن لكن نقطه وحده غيرها وخل يكون كالاتي ..
سالزبورخ يومين كابرون 3 ايام انترلاكن 3 ايام ميونخ يومين ..
3- انترلاكن اغلى بالسكن من النمسا وريفها .. وتحتاج عملة الفرنك افضل مع اليورو
4- ما تحتاج شقق الا اذا حبيت تطبخ
5- ظروري نعرف هل تبي تأجر سياره حتى ندخل انترلاكن لانه بدون سياره بيكون التنقل بالقطار متعب وطويل جدا
6- كم ميزانيتك تقريبا ؟؟
"""""""""""""""""""""""""""""""""""""""""""""""""" """"""""
اما لو لغينا سويسرا وحبيت تكتشف اكثر ممكن تخلي الرحله من المطار الى غارمش يومين ثم سالزبورخ يومين ثم كابرون 4 ايام ثم ميونخ يومين
تحياتي

ممكن تروح من ميونخ الى سالزبورغ وبعدها كابرون ومنها الى
كونستانس ومنها الى ميونخ
وصدقني الاماكن السياحيه كثيره جدا
في سالزبورغ فيه بحيرات كثيره حلوه
وفي كابرون وجنب كابرون اماكن كثيره منها بادقاسيتن وهالشتات وغيرها
والطريق من كابرون الى كونستانس المسافه 370 كلم وبالطريق تزور شلالات كريملر رائعه والطريق جميل جدا
وكمان تشوف انسبورك النمساويه
ومن كونستانس الى ميونخ 200 كلم
افضل مخطط هذا وحتى لو انك بتغى تاخذ فكره عن المدن لاتكثر الخيارات اكثر من كذا
طبعا كونستانس اترك جدولها وسكنها علي هالصيف زرتها للمره
الثانيه ورحنا اماكن حلوه فيه منها جزيره الورود والفراشات وتروح
لشلالات الراين اللي بزيورخ وتقدر تروح لزيورخ قريبه مره 70 كلم
واشياء كثيره انت وافق على هالمخطط وان شاء الله نفيدك

`مرحبا اخوي ابو عمر
حلو ترتيبك سالزبورخ 2 وكابرون 3 ايام ، لكن انترلاكن ليش خليتها 3 ايام والمنطقة اصلا غالية
خليها يومين المهم اني زرتها ونزل اللي بالراس يبقى لي يوم ضايع ويش رايك ارده لسالزبورخ او اخليه
راحه لي بين انترلاكن وميونخ .
الشقق انا قلتها لأنها اوفر لي وارخص وانا ادور الرحلة الأقتصادية واذا على الطبخ وربي ما ادري شلون الوضع بيكون هناك
سؤال السيارة يا ابو عمر بالصميم انا شفتها اوفر لي بكثير بالوقت والجهد والمال ، ايش رايك ؟ اغلب الأعضاء يمدحون يوروب كار
دخلت على موقع الشركة وسويت حجز على تاريخ الوصول لمدة 9 ايام على كم نوع من السيارات
لقيت السعر 3000 ريال وحولها اقل او اكثر شوي اذا كانت الأسعار كذا حلو ان شاء الله بأجر سيارة وانا طاحت عيني على بولو