الغاليين أعضاء المنتدى الموقرين
بعد دراسة و تمحيص و تفكير عميق
أخيرا وضعت مخطط رحلتي للشقيقة الكويت
بالرغم من إني مولود في الكويت عام ( 1980 ) و عشت فيها من أول أيام طفولتي حتى أيام الغزو الله لا يعيدها على مسلم عام ( 1990 )
لكن لي فترة طويلة مازرت الكويت ( تقريبا 8 سنوات )
والله إني مشتاق لها لأني أحس إن نصي سعودي و نصي كويتي
و أكيد إنها خلال الفترة هذي تطورت الديرة للأفضل كما عهدت الكويت
و بما إني تزوجت من سنة و نص
قلت فرصة أودي المدام للكويت خصوصا إنها ما عمرها راحت للكويت
وقلت فرصة بعد أوريها المستشفى إلي أنولدت فيه و بيتنا القديم في الكويت و الحارة إلي كنت ألعب فيها و مدرستي و و و و و
و بالمرة نتمشى بهالديرة الحلوة
فقررت إني أزور الأماكن التالية
المركز العلمي - حديقة الحيوان - متحف شهداء القرين - متحف الكويت الوطني - متحف طارق رجب - منتزة الشعب - المدينة الترفيهية - أبراج الكويت
مطعم فريج صويلح - مطعم ميس الغانم - مطعم برج الحمام - مطعم فريج عقاب - و أي مطعم صيني - و أي مطعم هندي
سوق شرق - مارينا مول - مجمع المنشر - مجمع الأفينوز - سوق المباركية - مجمع الفنار - البستان
و السكن إما راح يكون في بودل للشقق الفندقية أو بلازا أثين
مدة الرحلة راح تكون ( 4 أيام 5 ليالي ) يعني الجدول راح يكون مزحوم
طبعا أنا ما أدل هناك بس الله يخلي إلي أخترع ال GPS
حافظ عليه كل الاحداثيات اللازمة
وراح أحرك من الرياض بمشيئة الله يوم الخميس 27 نوفمبر 2008
و برجع قبل العيد ، يعني وقت ماهو موسم و أسعار الشقق أكيد بتكون نازلة و الديرة ماهي زحمة
وش رايكم ببرنامج السفره ؟
أحد عنده تعليق أو إضافة أو نصيحة
لا أحد يبخل علينا تكفون
وأيضا ً عندي كم سؤال خفاف
:icon_arro نوع البنزين الي استخدمه لسيارتي ( 91 ) هنا بالسعودية ، طيب بالكويت أي نوع أعبي لأن التسميات هناك تختلف ؟
:icon_arroوين أحول الريالات لدنانير كويتية ؟ هنا بالرياض أو بالخفجي أو بالحدود أو داخل الكويت ؟ أو إن سعر الصرف هو واحد في أي مكان ؟
:icon_arroأكيد إذا دخلت الكويت راح يكون هناك تأمين إجباري على السيارة ، طيب كم ياخذون ؟ وما هي أقل مدة للتأمين ؟
:icon_arroكيف الجو عندكم ( بارد ) أو ( حار ) يعني بالعربي يستدعي الأمر إني ألبس ثياب شتوية ملونة أو الثوب الأبيض يأدي الغرض ؟
:icon_arroالأماكن إلي بروح لها ( إلي ذكرتها فوق ) متفرقة ، أحد فيكم يقدر يساعدني و يرتبها لي حسب قربها من بعض عشان إختصار الوقت ؟
:icon_arroماهي أفضل سينما موجودة في الكويت ، أبي وحده تكون كراسيها وسيعه جدا ً و مريحة و رايقة ؟
:icon_arroعندي 3 خطوط جوال هنا بالسعودية ( STC سوا ، زين شحن ، موبايلي فاتورة ) أي أفضلهم و أرخصهم تعرفة تنصحوني أستخدم بالكويت ؟
لا تبخلون علينا بالردود يا جماعة الخير
و تقبلوا تحيات أخوكم
:smile127: