ام شهلاء
07-02-2022 - 03:39 am
السلام عليكم ورحمة الله وبركاته
الى اعضاء المنتدى الغالي القسم الرائع
بصراحه احترت كثير كل يوم عندي جدول جديد لسفرتي بسبب مواضيعكم
كل ماادخل اكتشف مكان اروح وارجع احوس جدولي
مالكم بالطويله جدولي للحين مو ثابت بالنسبه لسويسرا
محطة الوصول رح تكون ميلان يوم الجمعه الموافق 6 مايو
حجزت ليله في ميلان بعدها ليله في سيرميوني
رحلتي 17 ليله ابغاها ايطاليا سويسرا باريس محطة الاقلاع طبعا
الان راح ليلتين في ايطاليا
شرايكم لوقانو اخليها ليله ولا ليلتين ؟؟؟
وابغى انترلاكن 7 ليالي لانها تستاهل هالوقت كله ولا شرايكم ؟؟
وافكر 3 ليالي زرمات وخمس ليالي باريس
جدولي كذا اوكي ولا اغير فيه ؟؟
فكرت ازيد ايطاليا ليله بسيرموني وتصير زرمات ليلتين بس
ارجو منكم مساعدتي باسرع وقت عشان الحجوزات
وافكر اسكن بشقه في انترلاكن ارخص ولا شرايكم ؟؟
ميزانيتي شامله التذاكر والسكن والمصاريف 35 الف ريال سعودي
تم حجز التذاكر بمبلغ 4100 ريال لشخصين
اتمنى اكون وضحت كل شي
وكل العشم فيكم تعطوني تنسيق يبسطني
ترى اكره اذا تكلمت بعد السفر مع احد وقال مارحتي للمكان الفلاني ؟؟؟ اجل ماشفتي شي
تجيني الصيحه
وكل الشكر مقدما واعتذر على الاطاله
الوصول ميلانو والمغادرة باريس
ليلتين ميلانو
ليلتين لوقانو
6 ليالي انترلاكن
3 ليالي جنيف
4 ليالي باريس
من جنيف تسلمو السيارة وتاخذي القطار في رحلة دايركت الى باريس 3 ساعات ونص
زيرمات قرية صغيرة ممكن تزوريها من انترلاكن
عزيزتي لا تتوقعي انك راح تشوفي كل شيء اهم شيء شوفي ايش اللي يعجبك