abeer81
14-12-2022 - 07:55 am
السلام عليكم
ان شاءالله ناويين بنص شهر 6 نروح لاوروبا على الخطوط القطرية
من قطر الى ميونيخ دايركت
وبعدها نقعد في ميونيخ 3 ايام ( ياريت ترشحون فندق خمس نجوم وعائلي)
نأجر سيارة ونروح الى زيلامسي ونقعد فيها يومين ( ياريت ترشحون سكن )
ومنها نطلع الى انترلاكن ونقعد فيها يومين ( بغيت سكن )
واخر شي نروح الى زيورخ ونقعد فيها ثلاث ايام ( وش اريكم بزيورخ وشنو فيها من ترفيه وتسوق ؟ ) وطبعا بغيت سكن
ومن مطار زيورخ على القطرية دايركت الى قطر
اش رايكم بمخططي ؟
نحن عايلة مع اطفال 4-8-9 سنوات
هل الرحله بتكون متعبه ؟ في اقتراحات ثانيه ؟ هاي اقل شي قدرت اختصره لانه مابي نتنقل بالسياره لساعات طويله كان ودي بفيينا او جنيف او باريس بس صعبه
ورحلتنا من 10-12 يوم
ابي مساعدتكم لاني حست في كل مواضيع المنتدى ووصلت لهذي النتيجه النهائيه
وسلامتكم
لو تزورين وحده منهم وتختارين مدينه ثانيه مختلفه
انصحك بانترلاكن
وكمان زوروا مدينة الالعاب اليورب بارك في المانيا طالما معاكم اطفال ..شوفي المسافه بين ميونخ ويورب بارك في قوقل ماب