مخطط السفر الى لندن وباريس في العيد
السلام عليكم ورحمة الله وبركاته
بديت الحمد الله التخطيط من بدري للرحلة اللي ان شاء الله راح تكون في عيد الفطر ...
اولا الطيران ... طبعا مثل ماتعرفون بعد ماصار رمضان يجي في نص اجازة الصيف صارت الاجازة الصيفية من جزئيين ناس تروح قبل رمضان و ناس تروح في العيد .. وتعتبر كلها مواسم صيفية ... من ناحية التكاليف المادية
حاولت اختار الطيران لحاله وطلع لي اقل طيران من الرياض الى لندن ب 3700 الي 4600 ريال تقريبا في كثير من الشركات الطيران ..
و كذلك الفنادق اسعارها متفاوته من ناحية المكان المناسب و القريب من اماكن الجذب السياحي ,, كانت الاسعار ل 4 ليالي تصل الى 5000 ريال الي 6000 ريال تقريبا طبعا الفنادق من اربع نجوم ...
يوم شفت الموضوع كذا قلت احسن حل اخذ برنامج سياحي فيه الطيران والفندق ,,, وبكذا اقدر اوفر من ناحية السعر ..
وفعلا بديت بالبحث وكان الاختيار على موقع اكسبيديا لرحلات ...
وكان الاختيار مناسب من ناحية الطيران والناقل هو الخطوط الاماراتية و الوصول الساعه 7 صباحا بتوقيت لندن
واما الفندق الاختيار هو ردسون بلو على شارع الاكسفورد ..
تكلفة البرنامج ل 8 ليالي ب 7200 ريال فقط ..
السعر جدا مناسب و ممتاز ...
طبعا اول اربع ليالي راح تكون في باريس ... وحجزت على يورستار و التذكرة القطار كلفت 550 ريال ذهاب اياب ..
السكن في باريس فندق اسمه برادفورد اربع نجوم ,,, 10 دقايق من شارع الشانز التكلفة ب 3200 ريال فقط...
طبعا خصصت في لندن و باريس استأجر سيارة لمدة يوم واحد فقط ... راح اتجول فيها خارج لندن و باريس نوع من التغيير و الاستمتاع بالسفر في طرق اوروبا .. ما راح تكلف تقريبا 400 ريال من غير البنزين للسيارة ..
هذا تخطيطي المبدئي للرحلة ...
اذا فيه عندكم ملاحظات او اماكن تستحق الزيارة ممكن نسمع منكم ولكم مني كل التحية والتقدير