1. يعتمد الغالي على عددكم كم !! وعل اتحب فنادق 3 نجوم ولا 4 نجوم !!

وعليكم السلام ورحمة الله وبركاته
هلا وغلا الغالي بوفيصل ..
الف الف الف مبروك ماجاك والله يجعله عبدا صالح وايكون لك عون في الدينا والأخره ..
والحمدالله على سلامة ام فيصل وتستاهل كل خير ..
وتسلم الغالي على الإطراء وبيض الله وجهك وهذا من طيب اصلك ..
نرجع للأسئله :
1) هل 7 أيام كافية لقضائها في لندن؟
ماأتكفي ولكن على حسب المخطط الي خاطرك فيه ..
2) وش افضل أسكن في فندق او شقق فندقية في لندن كمتوسط سعر 700 ريال سعودي وان زاد قليلاً على شي يسوى ماعند مشكلة؟

يعتمد الغالي على عددكم كم !! وعل اتحب فنادق 3 نجوم ولا 4 نجوم !!

3)كم المسافة من لندن الى ادنبرا (عشان نزور أخو المدام), وماهى وسائل المواصلات المقترحة وهل تسوى المشوار؟
المسافه الغالي حوالي 400 ميل ..وعندك القطار والطياره ..بالقطار اتروح لأدنبره عن طريق محطة كنغز كروس والمده حوالي 4 ساعات وثلث ولكن الاجواء بتكون حلوه واجد في الرحله لجمال المناظر حوالي 125 باوند إذا حجزت بدري وكل ماحجزت بدري راح اتلاقي اسعار حلوه ..
4) هل فيه مناطق طبيعية قريبة من لندن يقدر يسكن فيها الواحد... أماكن هادئة ورومانسية
ابشر الغالي ..فيه مزارع حلوه للسكن
http://www.northhillfarm.co.uk/index.htm
5) سمعت عن القطار اللي من تحت البحر عشان السفر الى باريس, كم تكلفته, وهل هنالك خيارات أخرى للسفر الى باريس
تكلفته الغالي 178 باوند وكل ماحجزت بدري راح اتلاقي ارخص ..وعندك طيران الأيزي جيت ارخص بواجد حوالي 35 باوند للشخص ..إذا لك خاطر بالسعر الأكيد حدد التاريخ وخل الباقي علينا
6) وش الاماكن الأخرى اللي يمكن تنزار حول لندن؟
عندك مدينة برايتون + بعض الملاهي القريبه + الأوت لت
7) أذا عندكم اي مقترحات لاي برنامج؟
إذا جا في البال شي راح اكتبه الغالي وماأيصير خاطرك إلا طيب
وي خدمه احنا تحت امرك الغالي

تستاهل الناموس يأخونا "القطري" وانت تحري بالطيب كلة........وأنا ماقلت فيك الا كل ماهو فيك .... واكبر دليل انك رديت على موضوعي في نو تايم على قول الخوجات :8888:
1) إذا ماتكفى ال 7 أيام وش المدة المقترحة ؟............... وهل تقترح ان تخصص هالسفرة للندن وضواحيها فقط؟
2) عددنا يالطيب "2" راسي ورأس ام فيصل!!! اللي فهمته من اقتراحك الفنادق احسن؟؟ إذا هالكلام صح عدد النجوم مايهمني كثرما ان الفندق يكون نظيف وقريب من اماكن التمشية أهم شي يكون فيه فطور ومكيف !!
3)أنت ذكرت ال 125 باوند بالنسبة للقطار ..... طيب ممكن اسوي الحجوزات عن طريق النت اذا ممكن الرابط.....واذا عندك خلفية في اماكن مقترحة للسكن في ادنبرا.......وعن اسعار الطيران؟؟
4) بالنسبة للاماكن الذي ذكرتها حول لندن (مدينة برايتون + بعض الملاهي القريبه + الأوت لت) كيف طريقة المواصلات اليها......ومشكور اخوي "القطري" مره ثانية ................ أتمنى أشوف مشاركات أخوانا اصحاب الاختصاص بالاضافة للكبير "القطري"
شاكراً لكم تفاعلكم ومشاركاتكم.... و بيض الله وجيهكم مقداماً...
أخوكم:
ابوفيصل

ووجهك ابيض الغالي والله لاأيهينك على كلامك الطيب ..
والله ايحفظكم البعض وايخليكم العمر كله بأذن الله ..
نرجع للأسئله :
1- لوا علي بقولك اقعد شهر :8888: ولكن بتلاقي الجدول السياحي الي سويته لمدة اسبوعين والمده على حسب الميزانيه والخاطر ..والشور لك الغالي ..
2- فيه فندق دوم اسكنه وعن نفسي عاجبني الصراحه ومكانه في نص ادجول رود وفيه مكيف ولكن الريوق ماسألتهم عنه لاني في العاده اتريق في ستار بكس او كوستا ..
اسم الفندق shaftesbury metropolis london hyde park
3- هذا رابط اليوروستار http://www.eurostar.com ..
اما الطيران الغالي فأفضل شي وارخص شي ايزي جيت وهذا موضوع ماشاءالله متكامل عنه https://artravelers.com/p/re/272243
اما الأماكن السياحيه أسمحلي الغالي ماعندي خلفيه عنها
4- طريقة المواصلات ان شاءالله بحطها في رد منفصل
ولي تامر فيه احنا تحت امرك الغالي