السلام عليكم ورحمة الله وبركاته
تحياتي للجميع
تلاقي الله يسلمك محل Nike شارع اكسفورد لما يتقاطع مع الريجينت ستريت بالضبط في الاكسفورد سيركس
خلني اشرح لك شرح ممل شوي
على قولة اخونا القطري الله يذكرة بالخير
تخيل انت ماشي في اكسفورد ستريت والهايد بارك وراك وعلى يسارك سيلفريجز اول ماتدخل اكسفورد سيركس طالع على يسارك تلاقي المحل وداخل المحل في الطابق تقريباً 3 في الزاوية تلاقي كوليكشن كل الاندية والدول

عندك في هاردز في قسم الرياضه ..
وعندك في الريجنت محل اسمه ( سوكر سيم ) .. وجنبه ايضا محل اسمه ( نايكي تاون ) يبيع كل تجهيزات الفرق اللي تلبس نايك ..
وفي محل في بيكاديلي اسمه ( وايت لي لي ) او ( لي لي وايت ) مااذكر بالضبط
بس قول حق اي تكسي يوديك لي المكان اللي تبيه

hamad_qatar
مشكور اخوي حمد بس نايك يبيع ببس اطقم الفرق اللي تلبس نايك مثل مانشستر و الانتر ... عموما ان شاء الله ابمر عليه اليوم ,,, مشكور مرة ثانية

neno
مشكور يا neno و ان شاء الله ابمر على هذي المحلات اليوم ...
الف شكر لكم ياللي رديتو علي و ان كان فيه محلات ثانية علموني فيها يا اللي تعرفون في لندن..
لأني اليوم شايف ابوي مع عيالة الصغار يا حليلهم خليجيين كل واحد لابس تي شيرت تشلسي
و كل واحد اسمه مكتوبورا ظهرة
ثانكس مرة ثانية...

لبسات تشيلسي تلاقيها في نادي تشيلسي في لندن حوالين النادي تلاقي اكشاك تبيع لبساته وتكتب لك اللي تبي

اذا تبى تشكيله كبيرة ومتنوعه مالك الا زياره النادى نفسه تلقى كل للى فى بالك .
يعنى اخذ تاكسى وخله يوديك نادى تشلسى ونادى الارسنال ونادى توتنهام ودلع نفسك على الاخر لان مو كل شى تحصله بنايكى .
وتحصل محل اديداس مقابل السلفرج اذا تيى شغل او انديه اديداس مثل ليفربول و ميلان وغيرة .