وعليكم السلام ورحمة الله وبركاته
هلا وغلا بنت ديرتي
لي عوده بأذن الله ..
سامحيني الحين لازم اطلع ..

الله يوفقج بنت بلادي ,, وانا نفس حالتج محتارة بس انا بكالوريوس
وان شاءالله الاخوان مب مقصرين
^.^

القطرية2
وعليكم السلام ورحمة الله وبركاته
هلا وغلا أختي وبنت ديرتي ..
قبل هذا هل الماستر نفس تخص البكالوريوس الي عندج !
لأنه لوا ماكان نفسه لازم تاخذين دبلوم نفس ماصار معاي ..
انا الحين خلصت الكورس الأول للدبلوم وباقي الكورس الثاني في شهر 4 ان شاءالله وبعدها ادخل برنامج الماستر ان شاءالله ..وأشرطوا علي اخذ الدبلوم لأن تخصصي بكالوريوس كيمياء وانا محتاج ماستر إدارة أعمال ..
وانا نظامي امعقد اشوي لأن الدبلومه باخذها في مصر والماستر بأذن الله في بريطانيا ..
بالنسبه للمدن في بريطانيا فعندكم نيوكاسل وعندكم ميدلزبره ..طبعاً الجامعات يفضل اتكون الي تابعه للمدينه ..يعني جامعة نيوكاسل هي الأقوى ومعترف فيها من عند المجلس الأعلى ونفس الشي في ميدلزبره ..الجامعه الي في ميدلزبره أغلبها طلاب قطر للبترول لأن قطر للبترول كله تبعثهم هناك ..
والاجارات أرخص بواجد من لندن ..الي اعرفه في نيوكاسل ماخذ شقه 3 غرف نوم ب 600 باوند في الشهر ..والي في ميدلزبره ماخذ بيت ب 500 باوند في الشهر ..وبحكم انكم زوجين وطفله الله ايحفظكم فمحتاجين غرفه وصاله بس ..
ولازم تاخذين كورس لغه أقل شي 8 شهور إذا كانت اللغه عندج ضعيفه و6 شهور إذا كانت اللغه عندج جيده ..ويفضل تاخذين معاهد اللغه الي تتبع الجامعه عشان تتسهل عليج القبول للماستر في الجامعه وبالذات في التوفل ..وتقدرين اتخلصين الماستر في سنه من غير اللغه ولكنها بتكون متعبه واجد ..
أتمنى أكون أفدتج واي خدمه احنا تحت أمركم ..

راح ارد عليك يا بنت بلدي رغم اني سعودي لكننا ابناء بلد العروبه
من ناحية الارخص انا سمعت كثير من الاخوان ان شيفيلد من ارخص مدن بريطانيا و في برادفورد و مانشستر
وانتي سوي بحث قوقل عن المدن هاذي و المعيشه فيها و راح تلقين التفاصيل و اسعار السكن فيها و كل شي
و ان شاء الله تتيسر امورك اختي و تاخذين الماجستير و يوفقك ربي ان شاء الله