هلا اختي حوا وادم.
ويشرفني ان اكون اول من يرد على موضوعك.
اختي سوالك صعب جدا. لان اللي بيجاوب عليه لازم يكون رايح الدول اللي ذكرتيها.
بس انا بجاوبك بااللي اقدر عليه اختي.
لو باخذ زوجتي واولادي.فانا راح افضل اما السفر الى اندونيسيا او ماليزيا.
اما ماليزيا حلو وطبيعه وحضاره واجواء رائعه وغالبا تكون المركز الاول في زيارة العوائل وخصوصا العرسان.بس مشكلتها الوحيده ان اسعارها نار. يعني اذا بتروحين اسبوعين وتسكنين في فنادق 5 نجوم "لازم الواحد اذا سافر يدلع نفسه"فانا اتوقع راح تصرفين تقريبا 25 الف ريال اذا ما كان اكثر.
اندونيسيا حلوه وطبيعه واجواء رائعه وفوق هذا كله اسعارها مناسبه تقريبا.يعني اذا بتروحين اسبوعين وتسكنين في فنادق 5 نجوم وفيلل راقيه في الجبل وبالي وغيره فانا اتوقع ان شاء الله 18 الف ريال كافيه لا وتزيد بعد.
اما الفلبين فاانا ما زرتها بس اغلب اللي راحوا لها يقولون انها تصلح للعزاب اكثر.لما فيه من جزر والعاب مائيه وغطس وغيره.
اما الصين فاانا ما زرتها ابد. ولا اعلم عنها شي.كل اللي راحوا لها من معارفي راحوا لغرض التجاره فقط.
بس بامكانك اختي انك تاخذين فره على البوابات الاخرى وقرات تقرير الاخوان اللي راحوا عوائل.
وشكرا

وعليك السلام ورحمة الله وبركاته
ابو فهد
دائماً سباق
ما قصرت
وانا صراحه ما ازود على كلامه شي
وهذا الشئ انتي الي تقريريه بنفسك
من حيث الاسعار والافضل للعوائل والامن لهم
وزي ما قال اخونا الغالي ابو فهد
خذي لفه في البوابات واستفيدي من المواضيع والتقارير وانتي استنتجي الافضل لك ولعائلتك
واذا احد عنده تفصيل عن هذه الدول
ان شاء الله ما راح يقر معاك راح يفيدك
تحياتي

مساء الخير
أنا زرت الدول الثلاث الصين فلا تنفع للسياح ابدا أبدا ، سواقينهم ما يعرفون انجليزي خير شر ولا فيها مقومات سياحية
اما الفلبين وانونيسيا فمثل بعض من ناحية الطبيعة ولاكن اندونيسيا افضل لك خصوصا انكم عائلة فهيى اكثر أمان من الفلبين واكلهم افضل وتعاملهم افضل خصوصا ان فيه اماكن كثيرة يرتادها العرب . أما الفلبين فأحلى مكان شفته انا هو مدينة سبو ، سمبوانقا ، بسيلان . بس ما تصلح عوائل عربية ابدا . تحياتي