- بس اندونيسيا عادي لو مافهم شي
السلام عليكم ورحمة الله
ممكن يكون بدري على التخطيط لكن حاب ارسم لكل شي من الآن عشان اكون مرتاح البال
اجازتي السنويه راح تكون بشهر سبتمبر ان شاء الله
والمدام رتبت اجازتها معاي
محتار حيل بإختيار الوجهه للسفر
العام الماضي رحنا ماليزيا في شهر 1 وتركيا في شهر 9
الآن لي تقريبا اسبوعين جالس ادرس منتدى اندونيسيا وحابب اروحها بس متردد بسبب بعض اراء الاعضاء ومقارنتهم بغيرها من الدول
انا سبق ورحتها في 1997 يعني زمان وكانت مش سيئه واتوقع الحين تطورت اكثر
اوروبا متردد فيها بسبب ان التكلفه بتكون عاليه جدا وغير كذا انا عندي طفل بهذاك الوقت راح يكون عمره سنه وشهر وباخذه معاي في السفر ف ماراح يفهم شي في اوروبا وبتحسف
بس اندونيسيا عادي لو مافهم شي
الميزانيه ,, موضوع ثاني ,, تعبني نفسيا ,,, الحمدلله الخير موجود لكن كل مره بسافر فيها اقول لا خلاص هالسفره لازم تكون اقتصاديه والاقي نفسي صارف 30 الف في ماليزيا خلال11 يوم و35 الف في تركيا خلال 14 يوم وكله بسبب فرط اليد
المهم الميزانيه بقول على بركة الله 30 الف مع اني عارف اني بصرف اكثر بس يلا
مدة السفره 15 يوم وممكن ازيدها يومين
السفر من الدمام
دول سبق وزرتها: ماليزيا - تركيا - لبنان - قبرص - مصر - دول الخليج عدا اليمن - سنغافوره - اندونيسيا
طبعا مع المدام فقط ماليزيا وتركيا ودول الخليج
ان شاء الله الاقي عندكم الراي السديد وشكرا لكم
دامك رحت اندونيسيا قبل ولا سبق لك زيارة أوروبا .. أنصحك وبشدة بأوروبا إذا الميزانية تسمح .. وإذا على الطفل صغير مايفهم إذاً ركز على رغبتك أنت وأم العيال ومافيها حسايف ان شاء الله
مع حجوزات بدري راح تحصل أسعاره مغرية ..