حياك يالغالي ..
بالنسبة لحيرتك تعتمد على العودة من وين ؟؟ ومن الطبيعي تكون في مدينة العودة .. وبالنسبة للسيارة اذا تعرف للنفقيتور والخرايط فانصحك وبقوة بها متعة ولا اروع .. وبالنسبة للتذاكر لجميع الوجهات ماتتعدى 50 - 55 يورور للشخص ..
بالتوفيق ..

السلام عليكم ورحمة الله وبركاته
اقترح عليك تخلي الوصول لفيينا والعوده من ميونخ
بحيث يكون :
2 فيينا
2سالزبورج
5زيلامسي
2ميونخ

• بالنسبه للسياره هي جدا ممتعه باوروبا خصوصا اذا كنت تعرف للنفقيشن زي ماتفضل ابوعبدالاله

بس اقترح عليك انك تستأجرها من سالزبورج اخر يوم لاجيت تمشي لزيلامسي
لان فيينا مدة اقامتك فيها قصيره والاندرقراوند جدا ممتع
وسالزبورج الباصات توديك لكل مكان للسنتر ولهلبورن والمناطق السياحيه
زيلامسي انصح بها بالسياره بقوه ومنها الى ميونخ
تحياتي
saly

الإخوة *SALY* ,, بيمو و SHIMA48
بارك الله فيكم ولكم مني أجمل تحية :smile105:
كفيتوا ووفيتوا
:smile001:

هلا فهد
اخوي انا الحين بسالبورغ وساكن بفندق كراون بلازا crowne plaza
وانا انصحك بقوه فييه فندق نظيف وكل شي في واهم شي التكيف الي يفتقدوونه اغلب الفنادق بالمنطقه عموما
زيلامسي في فندق اسمه بارك هوتيل حلييو وزين او اذا تبي شقه قولي وانا اعطيك اسم شقه سكنتها وقريبه حيل من نفس الفندق ونص السنتر والمشي زين للبحيره والمطاعم
ميونخ لا تطول فيها اكثر من يومين مافيها الا تسوق واخر الليل الناس بعالم ثاني
اذا تبي تجرب القطار جربه من ميونخ الي زلمسي
اطلب تذكره القطار السريع railjet لا تاخذ القطار الي يوقف بمحطات
اخوي اذا ماعندك شناط وتوهق فيهم رووح بالقطار ولازم تعرف وين تنزل وباي محطه عشان ماتوهق
واذا ماعجبك القطار وانت بزلمسي اجر سياره من يورب كار وتراها سهله بس لاتنسي الليسن الدولي والفيزا وخلهم وياك احتياط وقلهم بسلم السياره بمطار ميونخ وانت ضبط رجعتك علي موعد الطياره او قبلها واحرص علي وجود النفيقيشن بالسياره وتراه سهل بس حط العنوان وتوكل علي الله
واخوك اجر سياره ووصلت فيها لزيورخ بسويسرا وكنت مخطط لفرنسا لاكن مالله كتب وغيرت لساربورغ
وخذ احتياط ان كل ميه كيلوو بالنفيقشن تقطعهم بحول ساعه ونص الي ساعتين تقريبا لان خطوطهم مو مثل خطوطنا واي شي تبيه اخوك حاضر بالي اقدر عليه
تحياتي