صقر على كف صقار
08-01-2022 - 07:31 am
السلام عليكم
محتاره مره لان ان شاء الله بعد فتره نبي نحجز الفنادق على رحلتنا لي في شهر يونيو طبعا الطيران خلاص من الرياض الي ميونخ ومن ميونخ الي الرياض على الخطوط المصريه بس محتاره بين هذا البرنمجين ياليت من الخبرا الاختيار الله يجزاهم خير مع العلم ان معي طفلين 8 و4 سنوات الله يخليهم لي ..ومده الرحله 11 يوم والطيران خلاص مانقدر نغير فيه شي ...
الاول ...من ميونخ على طول الي سالسبورغ يومين ثم الي زلامسي ست ايام ثم العوده الي ميونخ ونرد السياره والمكوث ثلاث ايام في ميونخ ثم العوده الي ارض الوطن ان شاء الله ...
الثاني ......... من ميونخ الي زلامسي والمكوث ست ايام ثم الذهاب الي مطار ميونخ وترجيع السياره والسفر الي باريس على الخطوط الفرنسيه الاقتصاديه والمكوث ثلاث ايام ثم العوده الي ميونخ يومين ثم العوده الي الرياض
احس ان الخطه الثانيه احلا لان فيها باريس وامنيتي اشوف باريس وازور دزني بس اكثر تكلفه !!!
تكفون ردو على لان علي اساس الاختيار تحدد الفنادق و حجز الطيران الداخلي وكل شي بس لازم اعزم على احد الاخيارين لان ابو صقر مسلمني الخيط والمخيط ومهو فاضي لي بس يبي يدفع ويستانس وانا المخطط
ثانيا أنا أعجبتني الخطه الثانيه فيها تنوع وتغيير
ويبقى راي الخبراء