اسايرها^تعاندني
25-01-2022 - 08:49 am
السلام عليكم ورحمه الله وبركاته
في البداية احب اشكر كل عضو في هذا المنتدى
على هذا المنتدى الرائع وعلى مشاركاتهم الاكثر من رائعة والمفيدة
ثانيا عندي عدة اسنفسارات وياريت تساعدوني فيها
انا طالب في جامعه الملك سعود السنه الاولى
وما ارتحت للوضع في الجامعه
وواحد من الشباب بيسافر لامريكا للدراسه وقال تعال معاي
وزي ما يعرف الجميع انهم اجلو التقديم الى 157
وانا ما اقدر اجلس مكتف اليدين ما اسوي شي لين هذا التاريخ
فهل استطيع عمل شي
كاخذ موعد في السفاره والتقديم في الجامعه الى ان يتم تقديم البعثات (الضمان المالي)
ام يشترط وجود الضمان المالي للتقديم على الموعد والتقديم على الجامعه
وان قدمت للسفاره واعطوني موعد قبل وقت التقديم للبعثه
(مع العلم انه عندي واسطه في التعليم العالي يعني بيخلص الضمان المالي في يوم او اقل)
هل استطيع ان تأجيل موعد السفاره
وثالثا وش رايكم في ولاية مونتانا مدينة ميسولا
لاني ابي اروح في نفس ولاية خويي ما ابي اغير
وياريت الجواب الكافي والاكيد
واللي ما عنده جواب ياريت ينصحني
او يدعيلي
وشكرا
اول شيء ترجم شهايدك
وحدد الجامعة اللي تبيها وعبيء الأبلكيشنات الخاصة فيها
خذ موعد للسفارة وخليه بعد التقديم مثلا بشهر او شهرين
ومتى ما أخذت الظمان أرسل لهم الأوراق كاملة مع الظمان
الأبلكيشنات+التوصيات+الشهايد+الظمان المالي
وإذا بتروح جامعة غير جامعة خويك حاول تراسلهم في البداية عن طريق الإيميل وتشوف إذا عندهم التخصص المطلوب ومعهد داخل الجامعة
وهذا موقع يفيدك عن جميع المدن والولايات الأمريكية http://www.city-data.com/
موفق إن شاء الله