انصحك تقرأ تقارير الأعضاء ماشاءالله كافيه ووافيه
وبصراحه أنا أشوف انك تقرأ التقارير هو أفضل حلّ
لأنك من خلاله راح تختار الفنادق اللي تعجبك
بدون ماتحتاج لمساعدة أي شخص
أما المفاضله بين سيرلانكا والثانيه فماعندي خلفيه
ومااقول الا بارك الله لكما وبارك عليكما وجمع بينكما في خير

السلام عليكم
كيف الحال؟؟ اخوي
انا بصراحة بنقلور رحتها مرتين اما سرلانكا ما رحتها ولا مره بس بنقلور بصراحة تصلح حق عوائل لانها مدينة نظيفة وعلى ما اعتقد انها انظف مدن الهند من ناحية الشعب والمدينة نفسها وفيها عرب كثيير يعني معضم العرب تحصلهم هناك
وفيها مدينة العاب اسمها وندرلاند انصحك تروحها بس هي خارج بنقلور يعني يبغالك تقريبا ساعة
يعني احسن لك انك تروح بنقلور برأي اما اذا تبغاني اسالك سرلانكا حاضرين لان احد اقاربي راح لها وثل ما قلت مدينة قوا ما تصلح حق عوائل
والله يوفقك ويجمع بينكم بالمحبة ويعينكم على طالع الله

السلام عليكم -- اذا تريد نصيحتي الغي بنغلور وشوف المدام اذا من هواة الطبيعه والجو الحلو والبساطه والتواضع روح سريلانكا واذا ماتعرف والا متردد احسلك روح ماليزيا لانه سريلانكا مافيها البنيه التحتيه من طرق واسواق وراحه بال
انا بقولك شي شوف سيريلانكا حواطه انت والمدام والدريول بين الجبال والانهار والطبيعه ماليزيا طبيعه اسواق ياحب الحريم للاسواق فكر واختار